പാലക്കാട് : ഉപതെരഞ്ഞെടുപ്പ് നടന്ന മലപ്പുറത്ത് സ്ഥാനാര്‍ഥിയെ ചൊല്ലി പാര്‍ട്ടിയില്‍ ഭിന്നതയില്ലെന്ന് ബി.ജെ.പി സംസ്ഥാന അധ്യക്ഷന്‍ കുമ്മനം രാജശേഖരന്‍. മലപ്പുറത്തെ സ്ഥാനാര്‍ഥി ദുര്‍ബലനല്ലായിരുന്നു. സ്ഥാനാര്‍ഥി നിര്‍ണയത്തില്‍ പാളിച്ച സംഭവിച്ചിട്ടില്ലെന്നും ബി.ജെ.പിയ്ക്ക് വോട്ടു കൂടിയെന്നും അദ്ദേഹം പറഞ്ഞു. പാലക്കാട് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

ഇരു മുന്നണികളും ചേര്‍ന്ന് വര്‍ഗ്ഗീയ ധ്രുവീകരണത്തിലൂടെ നേട്ടമുണ്ടാക്കാന്‍ ശ്രമിച്ചു. അതില്‍ വിജയിക്കാന്‍ ബിജെപിക്ക് സാധിച്ചില്ലെന്നതു മാത്രമാണ് തിരിച്ചടി.
എല്ലാ നേതാക്കളും ഒറ്റക്കെട്ടായി നിന്നാണ് തിരഞ്ഞെടുപ്പ് പ്രവര്‍ത്തനങ്ങളില്‍ പ്രവര്‍ത്തിച്ചത്. മലപ്പുറം പാര്‍ട്ടിയുടെ ശക്തികേന്ദ്രമല്ലായെന്നും വലിയ മുന്നേറ്റം കാഴ്ച്ചവെക്കാന്‍ സാധിച്ചില്ലെങ്കിലും കഴിഞ്ഞ തവണ ലഭിച്ചതിനേക്കാള്‍ വോട്ടു കൂടിയെന്നും അദ്ദേഹം പറഞ്ഞു.