ഗുവാഹത്തി: അസമില്‍ എണ്ണകിണറിന് തീപിടിച്ച് രണ്ട് അഗ്നിശമന സേനാംഗങ്ങള്‍ക്ക് ജീവന്‍ നഷ്ടമായി. അസമിലെ ടിന്‍സുകിയ ജില്ലയിലെ ഓയില്‍ ഇന്ത്യാ ലിമിറ്റഡിന്റെ ഉടമസ്ഥതയിലുള്ള എണ്ണകിണറിനാണ് തീപിടിച്ചത്.

14 ദിവസമായി ഇവിടെ വാതക ചോര്‍ച്ചയുണ്ടായിരുന്നു. തീ കൂടുതല്‍ പ്രദേശങ്ങളിലേക്ക് വ്യാപിക്കുന്നത് തടയാന്‍ ദേശീയ ദുരന്ത നിവാരണ സേനയുടെ നേതൃത്വത്തില്‍ തീ അണക്കാനുള്ള ശ്രമം തുടരുകയാണ്.

എണ്ണകിണറിന് ഒന്നര കിലോമീറ്റര്‍ ചുറ്റളവില്‍നിന്ന് ആറായിരം പേരെ മാറ്റിപ്പാര്‍പ്പിച്ചു. സിംഗപൂരില്‍ നിന്നുള്ള വിദഗ്ധ സംഘം ദേശീയ ദുരന്തനിവാരണ സേനയെ സഹായിക്കുന്നുണ്ട്.

ദുരന്ത ബാധിതരുടെ കുടുംബങ്ങള്‍ക്ക് 30,000 രൂപ വീതം ധനസഹായം നല്‍കുമെന്ന് ഓയില്‍ ഇന്ത്യ ലിമിറ്റഡ് അറിയിച്ചു.