കൊട്ടിയം: മകളെ നിരന്തരം ശല്യം ചെയ്തുവന്ന യുവാവിനെ താക്കീത് ചെയ്ത പിതാവിനെ വീടുകയറി വെട്ടിപ്പരുക്കേല്‍പിച്ചു.
മുഖത്തല അനീഷ് ഭവനില്‍ വിജയനാണ് വെട്ടേറ്റത്. പരാതിയെ തുടര്‍ന്ന് കിഴവൂര്‍ സത്യവിലാസത്തില്‍ മുകേഷ് (28), കുറുമണ്ണ പാങ്കോണത്ത് വീട്ടില്‍ സാബു (28), കുറുമണ്ണ പണയില്‍ വീട്ടില്‍ ബൈജു (27) എന്നിവരെ കൊട്ടിയം പൊലിസ് പിടികൂടി. പിടിയിലായവരില്‍ മുകേഷാണ് പെണ്‍കുട്ടിയെ ശല്യം ചെയ്തത്. പെണ്‍കുട്ടി ഇത് പിതാവിനോട് പറഞ്ഞു. ചോദ്യം ചെയ്തതിനെ തുടര്‍ന്ന് ആദ്യം വീടുകയറി മര്‍ദിച്ച മുകേഷ് പിന്നീട്  മറ്റുള്ളവരെയും കൂട്ടിയെത്തി വെട്ടിപ്പരുക്കേല്‍പ്പിക്കുകയായിരുന്നു. വെട്ടേറ്റ വിജയന്‍  കൊട്ടിയത്തെ സ്വകാര്യ ആശുപത്രിയില്‍ ചികിത്സയിലാണ്.  കോടതിയില്‍ ഹാജരാക്കിയ പ്രതികളെ  റിമാന്റ് ചെയ്തു. കൊട്ടിയംഎസ്.ഐ രതീഷ്, സി.ഐ ജോഷി എന്നിവരുടെ നേതൃത്വത്തിലുള്ള പൊലിസ് സംഘമാണ് പ്രതികളെ പിടികൂടിയത്.