തൃക്കരിപ്പൂര്‍: ഇക്കഴിഞ്ഞ 30നു നടന്ന എസ്.എസ്.എല്‍.സി കണക്ക് പരീക്ഷയെഴുതാനെത്തിയ സന്ദര്‍ഭത്തില്‍ വരക്കാട് ഗവ.ഹൈസ്‌കൂളില്‍ ഹിജാബ് ധരിച്ച വിദ്യാര്‍ഥിനിയെ അധ്യാപിക അപമാനിച്ച സംഭവത്തില്‍ നടപടി വേണമെന്ന് എം.എസ്.എഫ് ആവശ്യപ്പെട്ടു.
കോപ്പിയടിക്കാനുള്ള കുറിപ്പ് തട്ടത്തിനകത്ത് ഒളിപ്പിച്ചിട്ടു േണ്ടാ എന്ന് അധ്യാപിക ചോദ്യം വ്യക്തിയുടെ മൗലികാവശത്തിന്മേലുള്ള കടന്നുകയറ്റമാണെന്ന് എം.എസ്.എഫ് തൃക്കരിപ്പൂര്‍ മണ്ഡലം കമ്മി റ്റി ചൂണ്ടിക്കാട്ടി.
ഇല്ലാത്ത കാര്യം ആരോപിച്ച് വിശ്വാസപരമായ വേഷത്തെ അപമാനിച്ച സംഭവത്തില്‍ വിശദാന്വേഷണം നടത്തണം. സംഭവത്തില്‍ കുറ്റക്കാരിയായ അധ്യാപികക്കെതിരേ ബന്ധപ്പെട്ടവര്‍ നടപടി സ്വീകരിക്കണമെന്നും എം.എസ്.എഫ് ആവശ്യപ്പെട്ടു.