രാജാക്കാട്: കാലാവധി തീരാത്ത ഓഡ്‌സ് പായ്ക്കറ്റില്‍ പുഴുക്കൂട്. രാജാക്കാട്ടെ സ്വകാര്യ സ്ഥാപനത്തില്‍ നിന്നും വാങ്ങിയ 180 രൂപാ വിലവരുന്ന പായ്ക്കറ്റ്ഉപയോഗിക്കുന്നതിനായി പൊട്ടിച്ചപ്പോഴാണ് പുഴുക്കൂടും ചെറിയ പുഴുക്കളെയും കണ്ടെത്തിയത്.
കഴിഞ്ഞ ഞായറാഴ്ച്ചയാണ് രാജാക്കാട് കുഞ്ഞാനിക്കപ്പറമ്പില്‍ ഷിബു ഒരുകിലോയുടെ ഓഡ്‌സ് പായ്ക്കറ്റ് വാങ്ങുന്നത്. ഇതിന് ശേഷം ഉപയോഗിക്കുന്നതിനായി ഇന്നലെയാണ് പായ്ക്കറ്റ് പൊട്ടിച്ചത്. പായ്ക്കറ്റില്‍ നിന്നും പാത്രത്തിലേയ്ക്ക് പകര്‍ത്തുന്നതിനിടയാലാണ് പുഴുക്കൂട് കട്ടയായി പുറത്ത് ചാടിയത്.
തുടര്‍ന്ന് കാലവധി കഴിഞ്ഞതാണോ എന്ന് പരിശോധിച്ചപ്പോള്‍ ആറുമാസത്തോളം ഇനിയും ബാക്കിയുണ്ട്. ഇതുസംബന്ധിച്ച് അധികൃതര്‍ക്ക് പരാതി നല്‍കി.