കൊടുങ്ങല്ലൂര്‍: പോസ്റ്റര്‍ പ്രചരണം നടത്തുന്നതിനിടയില്‍ ഭിന്നശേഷിക്കാരനു നേരെ അക്രമം.
'ഡയലോഗ് കൊടുങ്ങല്ലൂര്‍' ന്റെ ആഭിമുഖ്യത്തില്‍ സംഘടിപ്പിക്കുന്ന 'മാര്‍ക്‌സ് പിന്നിട്ട 200 വര്‍ഷങ്ങള്‍' എന്ന പ്രഭാഷണ പരമ്പരയുടെ പ്രചരണ പോസ്റ്റര്‍ പതിക്കുകയായിരുന്ന ലോകമലേശ്വരം ചേനത്ത് സന്തോഷ് (40) എന്ന ബധിരനും മൂകനുമായ ചെറുപ്പക്കാരനെയാണ് ബൈക്കിലെത്തിയ രണ്ടംഗ സംഘം ആക്രമിച്ചത്.
ഇയാളുടെ കൈവശമുണ്ടായിരുന്ന പോസ്റ്ററുകള്‍ ഇവര്‍ വലിച്ചു കീറി എറിയുകയും ചെയ്തു.
കൊടുങ്ങല്ലൂര്‍ തെക്കേ നടയില്‍ കഴിഞ്ഞ ദിവസം രാത്രിയായിരുന്നു സംഭവം.ബൈക്കിലെത്തിയ നാലംഗ സംഘമാണ് ആക്രമണം അഴിച്ചു വിട്ടത്. അക്രമത്തിന് പിറകില്‍ എസ്.ഡി.പി.ഐ ആണെന്ന് സി.പി.എം ആരോപിച്ചു.
സന്തോഷിന്റെ പരാതിയുടെ അടിസ്ഥാനത്തില്‍ കൊടുങ്ങല്ലൂര്‍ പൊലിസ് കേസെടുത്ത് അന്വേഷണം ആരംഭിച്ചു.