വെട്ടത്തൂര്‍: റെയിഞ്ച്തല മദ്‌റസാ പ്രവേശനോല്‍സവം വെട്ടത്തൂര്‍ ഹൈസ്‌കൂള്‍പ്പടി തര്‍ബിയ്യത്തുല്‍ അത്ഫാല്‍ മദ്‌റസയില്‍ റെയിഞ്ച് മാനേജ്‌മെന്റ് അസോസിയേഷന്‍ സെക്രട്ടറി കെ.കെ അന്‍വര്‍ മാസ്റ്റര്‍ ഉദ്ഘാടനം ചെയ്തു. പ്രസിഡന്റ് എന്‍.അബ്ദുള്ള ഫൈസി അധ്യക്ഷനായി. സമസ്ത മുഫത്തിശ് എ.എം ഫസലുറഹ്മാന്‍ ഫൈസി, പി.താജുദ്ദീന്‍ മൗലവി, എന്‍.ഉസ്മാന്‍ മാസ്റ്റര്‍, ടി.മുഹമ്മദാലി മുസ്‌ലിയാര്‍, വി.അഷ്‌റഫ് മുസ്‌ലിയാര്‍, ഇ.ഫിറോസ് തുടങ്ങിയവര്‍ സംസാരിച്ചു.
ആലിപ്പറമ്പ് പോടെക്കാട് റൗളത്തുല്‍ ഇസ്‌ലാം മദ്‌റസയില്‍ പ്രവേശനോത്സവം പ്രധാനാധ്യാപകന്‍ ഉസ്മാന്‍ മുസ്‌ലിയാര്‍ അലനല്ലൂര്‍ ഉദ്ഘാടനം ചെയ്തു.
ചെറുകുളമ്പ ശീസുല്‍ ഉലൂം സെക്കന്‍ഡറി മദ്‌റസയില്‍ മഹല്ല് പ്രസിഡന്റ് കെ.വി.കെ പൂക്കോയ തങ്ങള്‍ ഉദ്ഘാടനം ചെയ്തു. ഹാരിസ് ദാരിമി അധ്യക്ഷനായി.