നെയ്യാറ്റിന്‍കര: ബൈക്കും ടെമ്പോയും കൂട്ടിയിടിച്ച് യുവാവ് മരിച്ചു. കമുകിന്‍ കോട് പട്ടക്കുഴിവിളാകത്ത് വീട്ടില്‍ അര്‍ജുനന്റെ മകന്‍ സന്തോഷ് (37) ആണ് മരിച്ചത്. ഇന്നലെ രാവിലെ ഏഴു മണിയോടുകൂടി നെയ്യാറ്റിന്‍കരയ്ക്ക് സമീപം കൂട്ടപ്പന ജങ്ഷനിലായിരുന്നു അപകടം.   നെയ്യാറ്റിന്‍കരയിലും പരിസരങ്ങളിലും പാല്‍ വിതരണം കഴിഞ്ഞ് വീട്ടിലേക്ക് മടങ്ങുന്നടിനിടെയാണ് സന്തോഷ് അപകടത്തില്‍പെട്ടത്.  ഇടറോഡില്‍ നിന്നു ഹൈവേയിലേക്കു കയറുന്നതിനിടെ  ടെമ്പോ ട്രാവലര്‍  ഇടിച്ചു വീഴ്ത്തുകയായിരുന്നു. സന്തോഷ് സംഭവ സ്ഥലത്തു തന്നെ മരിച്ചു. ഭാര്യ: സൗമ്യ. നാലു വയസുളള മകളുണ്ട്. മൃതദേഹം ഇന്നലെ നെയ്യാറ്റിന്‍കര ജനറല്‍ ആശുപത്രിയില്‍ പോസ്റ്റ് മോര്‍ട്ടം ചെയ്ത ശേഷം ബന്ധുക്കള്‍ക്ക് വിട്ടു കൊടുത്തു. നെയ്യാറ്റിന്‍കര പൊലിസ് കേ സെടുത്തു.