പാലക്കാട്: പച്ചക്കറി കയറ്റിയ മിനി പിക്കപ്പ് വാനില്‍ ഒളിപ്പിച്ചു കടത്തിയ ഒന്നേമുക്കാല്‍ കോടിയുടെ കുഴല്‍പ്പണം പിടികൂടി. സഹോദരങ്ങളായ രണ്ടു പേരെ അറസ്റ്റ് ചെയ്തു. ആലുവ സ്വദേശികളായ സലാം (42),  മീതിയാന്‍ കുഞ്ഞ്(50) എന്നിവരെയാണ് അറസ്റ്റ് ചെയ്തത്. 

ഇന്നലെ രാവിലെയാണു സംഭവം. രണ്ടു ബാഗുകളിലാണ് പണം സൂക്ഷിച്ചിരുന്നത്. കോയമ്പത്തൂരില്‍നിന്ന് എറണാകുളത്തേക്കാണ് പണം കൊണ്ടുപോവുന്നതെന്ന് ഇവര്‍ പൊലിസിനോട് പറഞ്ഞു. വാഹന പരിശോധനക്കിടെ നാര്‍കോട്ടിക് ഡിവൈ.എസ്.പി കൃഷ്ണന്റെ നേതൃത്വത്തില്‍ പ്രവര്‍ത്തിക്കുന്ന ജില്ലാ ലഹരി വിരുദ്ധ സ്‌ക്വാഡാണ് പിടികൂടിയത്. വാളയാര്‍  ഇന്‍സ്‌പെക്ടര്‍ ലിബി, ഡാന്‍സാഫ് സ്‌ക്വാഡ് അംഗങ്ങളായ എ.എസ്.ഐമാരായ ജയകുമാര്‍.വി, സുനില്‍കുമാര്‍, വിജയാനന്ദ്, ഷാജഹാന്‍.എച്ച്, രാജീദ്. ആര്‍. രാജീവ്, പ്രിന്‍സ് എന്നിവര്‍ പരിശോധനയില്‍ പങ്കെടുത്തു