പൂക്കോട്ടുംപാടം: വിദ്യാര്‍ഥികള്‍ക്കു ഭൗതികശാസ്ത്രം അനായസകരമായും രസകരമായും പഠിക്കാന്‍ ചിത്രകഥാരൂപത്തില്‍ തയാറാക്കി. പത്താം ക്ലാസിലെ ഭൗതികശാസ്ത്രം പാഠപുസ്തകത്തിലെ അധ്യായങ്ങളാണ് കുട്ടികള്‍ക്ക് എളുപ്പത്തില്‍ മനസിലാക്കാന്‍ ചിത്രകഥാ രൂപത്തില്‍ തയാറാക്കിയത്. പൂക്കോട്ടുംപാടം ഗവ. ഹൈസ്‌കൂളിലെ ഫിസിക്‌സ് അധ്യാപകനായ കെ.സുരേഷാണ് പാഠപുസ്തകം ചിത്രകഥാ രൂപത്തിലാക്കിയത്. അധ്യായങ്ങളെ ചെറുകഥകളും, കാര്‍ട്ടൂണുകള്‍, പദപ്രശ്‌നം എന്നീ രീതിയില്‍ ആവിഷകരിച്ചപ്പോള്‍ കുട്ടികള്‍ക്ക് ഫിസിക്‌സ് രസകരമായി. 2012 ല്‍സംസ്ഥാന ടീച്ചേഴ്‌സ് പ്രോജക്ടില്‍ മൂന്നാം സ്ഥാനം ലഭിച്ചിട്ടുണ്ട്. കൂടാതെ ടീച്ചേഴ്‌സ് പ്രോജക്ടിനു സൗത്ത് ഇന്ത്യയിലേക്ക് യോഗ്യതയും നേടിയിരുന്നു.
പുസ്തകം സയന്‍സ് ക്ലബ് രൂപീകരണ ചടങ്ങില്‍ സ്‌കൂള്‍ പ്രധാനാധ്യാപകന്‍ ജി.സാബു പ്രകാശനം ചെയ്തു. സയന്‍സ് അധ്യാപകരായ ജില്‍സ സാജു, കെ.ഷാജിത, ഷീന ഗിരീഷ്, എന്‍. സജിത, കെ.വിനീത എന്നിവര്‍ സംസാരിച്ചു.
ഫോട്ടോ :ഭൗതികശാസ്ത്രം ചിത്രകഥ   സ്‌കൂള്‍ പ്രധാനാദ്ധ്യാപകന്‍ ജി.സാബു പ്രകാശനം ചെയ്യുന്നു