തൃശൂര്‍: ലോക്‌സഭാ മണ്ഡലം ഇടതുപക്ഷ ജനാധിപത്യ മുന്നണി സ്ഥാനാര്‍ഥി രാജാജി മാത്യു തോമസിന്റെ രണ്ടാംഘട്ട സ്ഥാനാര്‍ഥി പര്യടനത്തിനു തുടക്കമായി. ഫിഷറീസ് കോളനിയില്‍ സ്ത്രീകളും കുട്ടികളും ബൊക്കെയും മാലകളുമായി സ്വീകരിച്ചു.
മൊയ്തീന്‍ പള്ളിയില്‍ കുട്ടികളായിരുന്നു താരങ്ങള്‍. ബലൂണുകളുമായി കുട്ടികള്‍ തങ്ങളുടെ സ്ഥാനാര്‍ഥിയെ വരവേറ്റു. പുന്നയൂര്‍, പുന്നയൂര്‍ക്കുളം വടക്കേക്കാട് മേഖലകളിലെ അവിയൂര്‍, കാട്ടിലപ്പള്ളി ബീച്ച്, മൊയ്തീന്‍ പള്ളി, തങ്ങള്‍പടി, പനന്തറ, കടിക്കാട്, മാവിന്‍ചുവട്, ആറ്റുപുറം, കൊച്ചന്നൂര്‍, തിരുവളയന്നൂര്‍, നായരങ്ങാടി തുടങ്ങിയ കേന്ദ്രങ്ങളില്‍ സ്ഥാനാര്‍ഥിക്ക് ആവേശകരമായ സ്വീകരണം നല്‍കി.
പൂക്കോട് മേഖലയില്‍ കാവീട് കൊളാടിപ്പടിയിലായിരുന്നു ആദ്യ സ്വീകരണം.
ഇവിടെ ഭക്ഷണത്തിനും വിശ്രമത്തിനും ശേഷം ഗുരുവായൂര്‍, ഒരുമനയൂര്‍, ചാവക്കാട്, കടപ്പുറം, ഏങ്ങണ്ടിയൂര്‍ മേഖലകളിലെ കോട്ടപ്പടി, കൃഷ്ണപിള്ള നഗര്‍, തിരുവെങ്കിടം, മാണിക്കത്തുപടി, എടപ്പുള്ളി, ഒറ്റത്തെങ്ങ്, വഞ്ചിക്കടവ്, പുന്ന, തിരുവത്ര കുഞ്ചേരി, ചെങ്കോട്ട, ബ്ലാങ്ങാട്, തൊട്ടാപ്പ്, മുനക്കകടവ്, വട്ടേക്കാട്, കുന്നത്തങ്ങാടി പുളിഞ്ചോട്, തിരുമംഗലം എന്നിവിടങ്ങളിലെ പര്യടനം പൂര്‍ത്തിയാക്കി ആയിരംകണ്ണിയില്‍ സമാപിച്ചു.
ഓരോ കേന്ദ്രങ്ങളിലും പ്രവര്‍ത്തകര്‍ മുദ്രാവാക്യം വിളികളോടെ രാജാജിയെ വരവേറ്റു.
എല്‍.ഡി.എഫ് നേതാക്കളായ കെ.വി അബ്ദുല്‍ ഖാദര്‍ എം.എല്‍.എ, സി സുമേഷ്, കെ.കെ സുധീരന്‍, എം. കൃഷ്ണദാസ്, അഡ്വ. പി. മുഹമ്മദ് ബഷീര്‍, ടി. ടി ശിവദാസന്‍, തുടങ്ങിയവര്‍ സ്ഥാനാര്‍ഥിയെ അനുഗമിച്ചു.