കൊച്ചി: സ്വര്‍ണക്കടത്ത് കേസില്‍ കെ.സി വേണുഗോപാലിന് ബന്ധമുണ്ടെന്ന് ബി.ജെ.പി വക്താവ് ബി.ഗോപാലകൃഷ്ണന്‍. സ്വപ്ന സുരേഷിന്റെ സാരിത്തുമ്പില്‍ കോണ്‍ഗ്രസ് നേതാക്കളുണ്ടെന്നായിരുന്നു ബി. ഗോപാലകൃഷ്ണന്‍ പറഞ്ഞത്.

കോണ്‍ഗ്രസ് നേതാവ് കെ.സി വേണുഗോപാലിനെതിരെയാണ് ബി. ഗോപാലകൃഷ്ണന്റെ ആരോപണം. സ്വപ്നയുടെ കേരളത്തിലെ ആദ്യ സ്പോണ്‍സര്‍ കെ.സി വേണുഗോപാല്‍ ആണെന്നും ബി. ഗോപാലകൃഷ്ണന്‍ പറഞ്ഞു. എയര്‍ഇന്ത്യ സാറ്റ്സില്‍ സ്വപ്നയ്ക്ക് ജോലി കിട്ടുന്നത് വേണുഗോപാല്‍ മന്ത്രിയായിരിക്കുമ്പോഴാണെന്നും സ്വപ്നയെ ഇപ്പോള്‍ ഒളിപ്പിച്ചിരിക്കുന്നത് വേണുഗോപാല്‍ ആണോയെന്ന് സംശയം ഉണ്ടെന്നും ബി. ഗോപാലകൃഷ്ണന്‍ ആരോപിച്ചു.