ന്യൂഡല്‍ഹി: പ്രധാനമന്ത്രി നരേന്ദ്രമോദി ഏപ്രില്‍ 26ന് വാരണാസിയില്‍ നാമനിര്‍ദേശ പത്രിക സമര്‍പ്പിക്കും. 25ന് മണ്ഡലത്തിലെത്തുന്ന മോദി റോഡ് ഷോയും നടത്തും.
അമിത്ഷാ, രാജ്‌നാഥ് സിങ്, നിതിന്‍ ഗഡ്കരി തുടങ്ങിയ നേതാക്കളും പങ്കെടുക്കും.
ഇന്നലെയും തെരഞ്ഞെടുപ്പ് പ്രചാരണത്തില്‍ സജീവമായിരുന്ന മോദി കോണ്‍ഗ്രസിനെയും മറ്റു പ്രതിപക്ഷ കക്ഷികളെയും കടന്നാക്രമിച്ചു.
പാവങ്ങള്‍ക്കു വേണ്ടി ക്ഷേമപ്രവര്‍ത്തനം നടത്താന്‍ കോണ്‍ഗ്രസിനും തൃണമൂലിനും സാധിച്ചിട്ടില്ലെന്ന് ത്രിപുരയില്‍ അദ്ദേഹം പറഞ്ഞു.