കൊല്ലം: ഏകീകൃത സിവില്‍ കോഡ് കൊണ്ടുവരുമെന്ന ബി.ജെ.പി പ്രകടനപത്രികയിലെ വാഗ്ദാനം ഭരണഘടന ഉറപ്പുനല്‍കുന്ന മതേതരത്വത്തോടൊപ്പം ബഹുസ്വരത എന്ന മൂല്യവും തകര്‍ക്കുന്നതാണെന്ന് നാഷനല്‍ മുസ്‌ലിം കൗണ്‍സില്‍ (എന്‍.എം.സി) സംസ്ഥാനകമ്മിറ്റി അഭിപ്രായപ്പെട്ടു. ജനാധിപത്യ മതേതര സര്‍ക്കാരിനെ അധികാരത്തിലേറുന്നതിന് യു.ഡി.എഫ് അനുകൂല നിലപാട് ലോക്‌സഭാ തെരഞ്ഞെടുപ്പില്‍ കേരളത്തില്‍ സ്വീകരിക്കുന്നതിന് യോഗം തീരുമാനിച്ചു. സംസ്ഥാന പ്രസിഡന്റ് എ. റഹീംകുട്ടി അധ്യക്ഷനായി. വൈ.എ സമദ്, ജെ.എ അസ്‌ലം, ഡോ. ജെ. അബ്ദുല്‍സലാം, പുരക്കുന്നില്‍ അഷ്‌റഫ്, പോരുവഴി സലാം, എം. ഇബ്രാംഹീംകുട്ടി, സലീം മഞ്ചിലി, എ.എ ഷാഫി, സഫാ അഷ്‌റഫ്, തോപ്പില്‍ ബദറുദ്ദീന്‍, ഷറഫ് കുണ്ടറ, ബഷീര്‍ ശീമാട്ടി, പുന്നല കബീര്‍, ചാത്തന്നൂര്‍ ബഷീര്‍, എം. കോയാകുട്ടി, ലത്തീഫ് മാമൂട്, മാലുമേല്‍ സലീം, നെടുമ്പന ജാഫര്‍ സംസാരിച്ചു.