തിരുവനന്തപുരം: അപവാദപ്രചരണവും വ്യക്തിഹത്യയും നടത്തിയ ബി.ജെ.പി. സംസ്ഥാന സെക്രട്ടറി എ.എന്‍ രാധാകൃഷ്ണനെതിരേ സ്പീക്കര്‍ പി.ശ്രീരാമകൃഷ്ണന്‍ മാനഷ്ടത്തിന് വക്കീല്‍ നോട്ടീസയച്ചു.

 അടിസ്ഥാനരഹിതമായ ആരോപണങ്ങള്‍ പിന്‍വലിച്ച് ഏഴ് ദിവസത്തിനുള്ളില്‍ നിരുപാധികം മാപ്പു പറയുകയും നഷ്ടപരിഹാരമായി ഒരുകോടി രൂപ കെട്ടിവയ്ക്കുകയും ദൃശ്യപത്ര മാധ്യമങ്ങളിലൂടെ അക്കാര്യം അറിയിക്കുകയും ചെയ്യണമെന്നാണ് നോട്ടീസില്‍ ആവശ്യപ്പെട്ടിരിക്കുന്നത്. 

ഇല്ലെങ്കില്‍ സിവിലായും ക്രിമിനലായും തുടര്‍ നടപടികള്‍ സ്വീകരിക്കുന്നതാണെന്ന് നോട്ടീസ് പറഞ്ഞിട്ടുï്. 

എറണാകുളത്തെ പ്രമുഖ അഭിഭാഷകനായ എസ്.ശ്രീകുമാര്‍ അസോസിയേറ്റ്‌സ് മുഖേനയാണ് സ്പീക്കര്‍ വക്കീല്‍ നോട്ടീസ് അയച്ചത്.