കോഴിക്കോട്: എസ്.ഡി.പി.ഐ ക്രിമിനലുകള്‍ കൊലപ്പെടുത്തിയ യൂത്ത് ലീഗ് പ്രവര്‍ത്തകന്‍ കുറ്റ്യാടി വേളം സ്വദേശി നസീറുദ്ദീന്റെ രണ്ടാം ചരമ വാര്‍ഷികദിനത്തോടനുബന്ധിച്ച് 'വര്‍ഗീയതയുടെ രാഷ്ട്രീയം' എന്ന വിഷയത്തില്‍ മുസ്‌ലിം യൂത്ത് ലീഗ് സംസ്ഥാന കമ്മിറ്റി സംഘടിപ്പിക്കുന്ന സെമിനാര്‍ 16ന് നടക്കും.
വൈകിട്ട് മൂന്നിന് കോഴിക്കോട് ടൗണ്‍ ഹാളില്‍ നടക്കുന്ന സെമിനാര്‍ പ്രതിപക്ഷ ഉപനേതാവ് ഡോ. എം.കെ മുനീര്‍ ഉദ്ഘാടനം ചെയ്യും. വി.ടി ബല്‍റാം എം.എല്‍.എ, കെ.എം ഷാജി എം.എല്‍.എ, ഷാജഹാന്‍ കാളിയത്ത് പ്രസംഗിക്കും. നസീറുദ്ദീന്‍ കൊല്ലപ്പെട്ട ദിനം തീവ്രവാദ വിരുദ്ധ ദിനമായി ആചരിക്കുന്നതിന്റെ ഭാഗമായാണ് സെമിനാര്‍ സംഘടിപ്പിക്കുന്നതെന്ന് മുസ്‌ലിം യൂത്ത് ലീഗ് സംസ്ഥാന പ്രസിഡന്റ് മുനവ്വറലി ശിഹാബ് തങ്ങളും, ജനറല്‍ സെക്രട്ടറി പി.കെ ഫിറോസും പറഞ്ഞു. സെമിനാര്‍ വിജയിപ്പിക്കുന്നതിന് മുഴുവന്‍ കീഴ്ഘടകങ്ങളോടും നേതാക്കള്‍ അഭ്യര്‍ഥിച്ചു.