കല്‍പ്പറ്റ: കേരള ഹയര്‍ സെക്കന്‍ഡറി ടീച്ചേഴ്‌സ് യൂനിയന്‍ (കെ.എച്ച്.എസ്.ടി.യു) സംസ്ഥാന നേതൃ പരിശീലന ശില്‍പശാല മെയ് 12, 13 തിയതികളില്‍ കുളിവയല്‍ സൈന്‍ ഫിലോസ്ഫിയറില്‍ നടക്കും. വിവിധ ജില്ലകളില്‍ നിന്ന് തെരെഞ്ഞെടുക്കപ്പെട്ട 100 പ്രതിനിധികള്‍ പങ്കെടുക്കും. ഇതുമായി ബന്ധപ്പെട്ട സ്വാഗതസംഘരൂപീകരണ യോഗം കെ.കെ അഹമ്മദ് ഹാജി ഉദ്ഘാടനം ചെയ്തു.
രാജ്യത്തെ വിദ്യാഭ്യാസ രംഗം കാവി വത്കരിക്കുന്നതിനായി കേന്ദ്ര സര്‍ക്കാര്‍ നടത്തുന്ന നീക്കങ്ങളില്‍ യോഗം ഉത്കണ്ഠ രേഖപ്പെടുത്തി. മുന്‍ സര്‍ക്കാര്‍ 2014ല്‍ അനുവദിച്ച ബാച്ചുകളില്‍ അധ്യാപക തസ്തികകള്‍ സൃഷ്ടിച്ച് നിയമനം നടത്തുക. അഞ്ചുവര്‍ഷം പൂര്‍ത്തിയാക്കിയ ജൂനിയര്‍ അധ്യാപകര്‍ക്ക് പ്രമോഷന്‍ നല്‍കുക, ക്ലാര്‍ക്ക്, പ്യൂണ്‍, ലൈബ്രേറിയന്‍ തുടങ്ങിയ തസ്തികകള്‍ സൃഷ്ടിക്കുക തുടങ്ങിയ ആവശ്യങ്ങള്‍ യോഗം ഉന്നയിച്ചു. സംസ്ഥാന പ്രസിഡന്റ് നിസാര്‍ ചേലേരി അധ്യക്ഷനായി. സെക്രട്ടറി ടി സന്തോഷ് മുഖ്യപ്രഭാഷണം നടത്തി. റസാഖ് കല്‍പ്പറ്റ, ടി താജ് മന്‍സൂര്‍, പി.എ ജലീല്‍, എ മുഹമ്മദ് ബഷീര്‍, ഡോ. ബാവ കെ പാലുകുന്ന്, ടി മുജീബ്, എ മുഹമ്മദ് ബഷീര്‍, കെ.സി ബിഷര്‍, ഹാഷിം കൈതക്കല്‍ സംസാരിച്ചു.