മണ്ണാര്‍ക്കാട്: കൂട്ടിലക്കടവ് നുസ്‌റത്തുല്‍ ഇസ്‌ലാം യതീംഖാനയിലെ രണ്ട് അന്തേവാസികള്‍കൂടി നാളെ (ബുധന്‍) രാവിലെ 11 മണിക്ക് എസ്.കെ.എസ്.എസ്.എഫ്. സംസ്ഥാന പ്രസിഡണ്ട് പാണക്കാട് സയ്യിദ് ഹമീദലി ശിഹാബ്തങ്ങളുടെ കാര്‍മ്മികത്വത്തില്‍ വിവാഹിതരാവുന്നു. കോങ്ങാട് കെ.കെ. അന്‍വറിന്റെ മകള്‍ ജംഷീറയെ പൂവ്വത്താണി അച്ചിപ്ര കുഞ്ഞിക്കമ്മുമകന്‍ യൂസുഫും, കിഴക്കഞ്ചേരി പി.കെ. സൈനബയുടെ മകള്‍ ഷബ്‌നയെ ആലത്തൂര്‍ പത്തനാപുരം അബ്ദുറഹ്മാന്‍ മകന്‍ മുഹമ്മദലിയുമാണ് വിവാഹം ചെയ്യുന്നത്. ചടങ്ങില്‍ സി.കെ.എം. സ്വാദിഖ് മുസ്‌ലിയാര്‍, സി.പി. ബാപ്പുമുസ്‌ലിയാര്‍, സി. മുഹമ്മദലി ഫൈസി, ഹബീബ് ഫൈസി കോട്ടോപ്പാടം, സുബൈര്‍ അന്‍വരി, കുഞ്ഞിമുഹമ്മദ് ദാരിമി, എസ്. മുഹമ്മദ് മുസ്‌ലിയാര്‍, മൊയ്തുപ്പ മുസ്‌ലിയാര്‍, മൊയ്തുഫൈസി സംബന്ധിക്കും.