ചങ്ങനാശേരി: മാവേലിക്കര പാര്‍ലമെന്റ് മണ്ഡലം യു.ഡി.എഫ് സ്ഥാനാര്‍ഥി കൊടിക്കുന്നില്‍ സുരേഷിന്റെ രണ്ടാംഘട്ട സ്വീകരണ പരിപാടികള്‍ക്ക് കൊട്ടാരക്കരയില്‍ ഊഷ്മളമായ സ്വീകരണം നല്‍കി. രാവിലെ എട്ടിന് നെടുവത്തൂര്‍ പഞ്ചായത്തിലെ വല്ലം ദേവീക്ഷേത്ര ജങ്ഷനില്‍ നടന്ന ആദ്യ സ്വീകരണ യോഗം കേരളാ കോണ്‍ഗ്രസ് (ജേക്കബ്) വിഭാഗം വര്‍ക്കിങ് ചെയര്‍മാന്‍ വാക്കനാട് രാധാകൃഷ്ണന്‍ ഉദ്ഘാടനം ചെയ്തു.
കശുവണ്ടി തൊഴിലാളികളും കര്‍ഷക തൊഴിലാളികളും വിവിധ കേന്ദ്രങ്ങളില്‍ സ്ഥാനാര്‍ഥിയെ എതിരേറ്റു. തുടര്‍ന്ന് നെടുവത്തൂര്‍, എഴുകോണ്‍, കരീപ്ര, വെളിയം തുടങ്ങിയ പഞ്ചായത്തുകളിലെ 71 സ്ഥലങ്ങളിലെ സ്വീകരണത്തിന് ശേഷം രാത്രി 9.30ന് വെളിയം ജങ്ഷനില്‍ സമാപിച്ചു.
ഇന്ന് ചങ്ങനാശ്ശേരിയില്‍
കൊടിക്കുന്നിലിന്റെ ചങ്ങനാശ്ശേരിയില്‍ നിയോജക മണ്ഡലത്തിലെ രണ്ടാംഘട്ട സ്വീകരണ പരിപാടികള്‍ക്ക് ഇന്നു രാവിലെ എട്ടിന് പായിപ്പാട് ജങ്ഷനില്‍ തുടക്കമാകും. തുടര്‍ന്ന് പായിപ്പാട്, ചങ്ങനാശ്ശേരി വെസ്റ്റ്, കുറിച്ചി, ചങ്ങനാശ്ശേരി ഈസ്റ്റ് തുടങ്ങിയ മണ്ഡലങ്ങളില്‍ നിന്നുള്ള സ്വീകരണത്തിന് ശേഷം ഒന്‍പതിന് കാഞ്ഞിരത്തിന്‍മൂട് ജങ്ഷനില്‍ സമാപിക്കും.