കയ്പമംഗലം: കുടുംബശ്രീ നടത്തിയ മരച്ചീനികൃഷി സാമൂഹ്യ വിരുദ്ധര്‍ നശിപ്പിച്ചു. പഞ്ചായത്ത് പതിനെട്ടാം വാര്‍ഡില്‍ ചൈതന്യ കുടുംബശ്രീ അംഗങ്ങള്‍ നടത്തിയ മരച്ചീനികൃഷിയാണ് കഴിഞ്ഞ ദിവസം രാത്രി നശിപ്പിക്കപ്പെട്ടത്.
ഇരുനൂറോളം മരച്ചീനി നട്ടതില്‍ പകുതിയോളം നശിപ്പിച്ച നിലയിലാണ്.
മരച്ചീനി പറിച്ച് കിഴങ്ങും കൊണ്ടുപോയിട്ടുണ്ട്. സംഭവമറിഞ്ഞ് പഞ്ചായത്ത് പ്രസിഡന്റ് ടി.വി സുരേഷ്, വാര്‍ഡ് മെമ്പര്‍ കെ.എ സൈനുദ്ദീന്‍ എന്നിവര്‍ സ്ഥലത്തെത്തിയിരുന്നു.
കുടുംബശ്രീ അംഗങ്ങള്‍ മതിലകം പൊലിസില്‍ പരാതി നല്‍കി.