കോഴിക്കോട്: കനത്ത മഴയെ തുടര്‍ന്ന് കോട്ടയം, പത്തനംതിട്ട, ഇടുക്കി ജില്ലകളില്‍ പ്രൊഫഷണല്‍ കോളജുകള്‍ ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും കലക്ടര്‍ അവധി പ്രഖ്യാപിച്ചു.

എറണാകുളത്ത് എല്ലാ സ്‌കൂളുകള്‍ക്കും ചൊവ്വാഴ്ച അവധി പ്രഖ്യാപിച്ചു.

തൃശ്ശൂരില്‍ ചാവക്കാട്, കൊടുങ്ങല്ലൂര്‍ താലൂക്കുകളില്‍ ചൊവ്വാഴ്ച വിദ്യാലയങ്ങള്‍ക്ക് അവധിയായിരിക്കും.

ആലപ്പുഴയില്‍ ചേര്‍ത്തല, അമ്പലപ്പുഴ, കാര്‍ത്തികപ്പള്ളി, കുട്ടനാട് താലൂക്കുകളില്‍ വിദ്യാഭ്യാസ സ്ഥാപനങ്ങള്‍ക്ക് നാളെ അവധി പ്രഖ്യാപിച്ചു. ചെങ്ങന്നൂരില്‍ ദുരിതാശ്വാസ ക്യാംപുകളായി പ്രവര്‍ത്തിക്കുന്ന സ്‌കൂളുകള്‍ക്കും നാളെ അവധിയായിരിക്കും.

മലപ്പുറം നിലമ്പൂര്‍ താലൂക്കില്‍ സ്‌കൂളുകള്‍ക്ക് നാളെ അവധിയായിരിക്കും.

കോഴിക്കോട് ജില്ലയിലെ കൂടരഞ്ഞി, തിരുവമ്പാടി, കോടഞ്ചേരി, പുതുപ്പാടി പഞ്ചായത്തുകളില്‍ നാളെ സ്‌കൂളുകള്‍ക്ക് അവധിയായിരിക്കും.

എംജി സര്‍വകലാശാല നാളെ നടത്താനിരുന്ന എല്ലാ പരീക്ഷകളും മാറ്റിവച്ചു.

നാളെ നടത്താനിരുന്ന ഹര്‍ത്താല്‍ പിന്‍വലിച്ചതിനാല്‍ കാലിക്കറ്റ്, കണ്ണൂര്‍ സര്‍വകലാശാലകളിലെ ചൊവ്വാഴ്ചത്തെ പരീക്ഷകള്‍ക്ക് മാറ്റമില്ലെന്ന് അധികൃതര്‍ അറിയിച്ചു. നേരത്തെ പരീക്ഷകള്‍ മാറ്റിയതായി സര്‍വകലാശാലകള്‍ അറിയിച്ചിരുന്നു.

ആരോഗ്യ, എപിജെ അബ്ദുല്‍ കലാം സാങ്കേതിക സര്‍വകലാശാലകളിലെ നാളത്തെ പരീക്ഷകള്‍ക്കും മാറ്റമില്ല.