ഇരിട്ടി: സമുദായത്തിന്റെ സ്വയം പ്രഖ്യാപിത സംരക്ഷകരെന്ന് അവകാശപ്പെടുന്ന എസ്.ഡി.പി.ഐ ആഗോള ഭീകര സംഘടനയായ ഐ.എസിന്റെ കേരളപതിപ്പാണെന്ന് മുസ്‌ലിം യൂത്ത്‌ലീഗ് പേരാവൂര്‍ മണ്ടണ്ഡലം പ്രസിഡന്റ് സമീര്‍ പുന്നാട് പറഞ്ഞു.എസ്ഡി.പി.ഐ പോപ്പുലര്‍ ഫ്രണ്ടണ്ട് ഭീകരതക്കും കൊലപാതക രാഷ്ട്രീയത്തിനുമെതിരെ പേരാവൂര്‍ മണ്ഡലം മുസ്‌ലിം യൂത്ത് ലീഗ് സംഘടിപ്പിച്ച പ്രതിഷേധ കൂട്ടായ്മ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇരിട്ടിയില്‍ നടത്തിയ പ്രതിഷേധ പ്രകടനത്തിന് ശഹീര്‍ കീഴ്പള്ളി,അബ്ദുറഹ്മാന്‍ ചാല,സക്കരിയ പാറയില്‍, ഇ.കെ അബ്ദുറഹ്മാന്‍, ആഷിക്, ടി മഹബൂബ്, എന്‍.കെ സകരിയ, അശ്‌റഫ് ആറളം, ഫവാസ് പുന്നാട് നേതൃത്വം നല്‍കി.