ചേളാരി: ഏപ്രില്‍ 18ന് ലോക്‌സഭാ തെരഞ്ഞെടുപ്പ് നടക്കുന്ന കര്‍ണാടക, തമിഴ്‌നാട്, പുതുച്ചേരി എന്നിവിടങ്ങളിലും ഏപ്രില്‍ 23ന് കേരളത്തിലും സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ അംഗീകൃത മദ്‌റസകള്‍ക്ക് അവധിയായിരിക്കുമെന്ന് സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ അറിയിച്ചു. ഏപ്രില്‍ 23 ന് ചേളാരി സമസ്താലയം, കോഴിക്കോട് സമസ്ത ബുക്ക് ഡിപ്പോ, പുതിയങ്ങാടി അല്‍ബിര്‍റ് ഇസ്‌ലാമിക് പ്രീസ്‌കൂള്‍ എന്നീ ഓഫിസുകള്‍ക്കും അവധി ആയിരിക്കും. തെരഞ്ഞെടുപ്പ് കമ്മിഷന്‍ പോളിങ് സ്റ്റേഷനായി അംഗീകരിച്ച മദ്‌റസകളില്‍ തെരഞ്ഞെടുപ്പിന് വേണ്ട സൗകര്യങ്ങള്‍ മദ്‌റസ കമ്മിറ്റി ഭാരവാഹികള്‍ ചെയ്തു കൊടുക്കണമെന്നും നേതാക്കള്‍ അഭ്യര്‍ഥിച്ചു.