കോഴിക്കോട്: കരിപ്പൂര്‍ വിമാനാപകടത്തില്‍ പരുക്കേറ്റ് ചികിത്സയില്‍ കഴിയുന്നവരെ മുഖ്യമന്ത്രി പിണറായി വിജയനും ഗവര്‍ണര്‍ മുഹമ്മദ് ആരിഫ് ഖാനും സന്ദര്‍ശിച്ചു. പരുക്കേറ്റവരുടെ ചികിത്സപൂര്‍ണമായും സര്‍ക്കാര്‍ ഏറ്റെടുക്കുമെന്നും മുഖ്യമന്ത്രി പറഞ്ഞു.
ദുരന്തത്തില്‍ മരിച്ചവരുടെ കുടുംബത്തിന് പത്ത് ലക്ഷം രൂപ ധനസഹായം സംസ്ഥാന സര്‍ക്കാര്‍ നല്‍കുമെന്നും അദ്ദേഹം പറഞ്ഞു.

മരിച്ച 18 പേരുടെ പോസ്റ്റ്മോര്‍ട്ടം നടപടികള്‍ മൂന്ന് മണിയോടെ പൂര്‍ത്തിയാകും. മരിച്ച പൈലറ്റുമാരുടെ മൃതദേഹം എയര്‍ ഇന്ത്യ കൊണ്ടുപോകുമെന്ന് മുഖ്യമന്ത്രി പറഞ്ഞു. കൊവിഡ് ഭീതിക്കിടയിലും എല്ലാം മറന്ന് രക്ഷാപ്രവര്‍ത്തനത്തിലേര്‍പ്പെട്ടവരെ മുഖ്യമന്ത്രി അഭിനന്ദിച്ചു.