തൊടുപുഴ:   സംസ്ഥാന ചാംപ്യന്‍ഷിപ്പിന് മുന്നോടിയായുള്ള ജില്ലാ പഞ്ചഗുസ്തി  മത്സരം നാളെ ഉച്ചയ്ക്ക് രണ്ടിന് തൊടുപുഴ മുനിസിപ്പല്‍  മൈതാനിയില്‍ നടക്കുമെന്ന് പഞ്ചഗുസ്തി അസോസിയേഷന്‍ ജില്ലാ  പ്രസിഡന്റ് മനോജ് കോക്കാട്ട്, സെക്രട്ടറി ടി .ആര്‍ ജലദാസ്  എന്നിവര്‍ അറിയിച്ചു.
ഉച്ചയ്ക്ക്  12 ന് ഭാരനിര്‍ണയം ആരംഭിക്കും.  അസോസിയേഷന്‍ മാനദണ്ഡം പാലിച്ച് മത്സരാര്‍ഥികള്‍ വയസ്  നിര്‍ണയിക്കുന്ന രേഖ സമര്‍പ്പിക്കണം. ക്രിക്കറ്റ് കണ്‍ട്രോള്‍ ബോര്‍ഡംഗം ടി.സി മാത്യു ഉദ്ഘാടനം നിര്‍വഹിക്കും. ജില്ലാ പ്രസിഡന്റ് മനോജ്  കോക്കാട്ട് അധ്യക്ഷനാവും.
പുരുഷവിഭാഗം 11 കാറ്റഗറികളിലും  വനിതാവിഭാഗം ഏഴു കാറ്റഗറിയിലും ജൂനിയര്‍ ആണ്‍കുട്ടികള്‍,  പെണ്‍കുട്ടികള്‍ എന്നിങ്ങനെയാണ് മത്സരങ്ങള്‍ നടക്കുന്നത്.  അംഗപരിമിതര്‍ക്കായി പ്രത്യേക മത്സരവും  ഉണ്ടായിരിക്കും.  വൈകിട്ട് നടക്കുന്ന യോഗത്തില്‍ തൊടുപുഴ സി.ഐ  എന്‍.ജി ശ്രീമോന്‍ വിജയികള്‍ക്ക്  സര്‍ട്ടിഫിക്കറ്റ് വിതരണം ചെയ്യും.