കോഴിക്കോട്: ഫുട്‌ബോള്‍ പ്ലെയേഴ്‌സ് അസോസിയേഷന്റെ ആഭിമുഖ്യത്തില്‍ എ.പി മൊയ്തീന്‍ കോയ മെമ്മോറിയല്‍ ട്രോഫിക്ക് വേണ്ടിയുള്ള ജൂനിയര്‍ ഫുട്‌ബോള്‍ ടൂര്‍ണമെന്റ് ഫൈനലില്‍ ന്യൂസോക്കര്‍ എഫ്.എ മലപ്പുറം ഒന്നിനെതിരേ നാല് ഗോളുകള്‍ക്ക് ഗ്രീന്‍സ്റ്റാര്‍ പെരുമണ്ണയെ പരാജയപ്പെടുത്തി. ന്യൂസോക്കറിന് വേണ്ടി ജഫീല്‍ രണ്ടും സജ്ജാസ് ,മര്‍സൂക്ക് എന്നിവര്‍ ഒരോ ഗോളും സ്‌കോര്‍ ചെയ്തു. ഗ്രീന്‍സ്റ്റാറിന് വേണ്ടി നന്ദുകൃഷ്ണ ആശ്വാസ ഗോള്‍ നേടി. വിജയികള്‍ക്കും രണ്ടാംസ്ഥാനക്കാര്‍ക്കും മുന്‍ അന്തര്‍ദേശീയ താരങ്ങളായ കെ.പി സേതുമാധവനും പ്രേംനാഥ് ഫിലിപ്പും ട്രോഫികള്‍ സമ്മാനിച്ചു. സി ഉമര്‍ അധ്യക്ഷനായി. കെ ബാലകൃഷ്ണന്‍, സി സാദിഖ് സംസാരിച്ചു.