കോഴിക്കോട്: കോഴിക്കോട് കോര്‍പ്പേറേഷന് കീഴില്‍ ഹെല്‍ത്ത് ഡിപ്പാര്‍ട്ട്‌മെന്റില്‍ 42 വര്‍ഷത്തെ സര്‍വിസ് പൂര്‍ത്തിയാക്കി വിരമിച്ച പി.കെ ശിവശങ്കരന് യാത്രയയപ്പ് നല്‍കി.
ഹെല്‍ത്ത് മൂന്നാം സര്‍ക്കിള്‍ വെല്‍ഫെയര്‍ കമ്മിറ്റിയുടെ ആഭിമുഖ്യത്തില്‍ സംഘടിപ്പിച്ച ചടങ്ങില്‍ ഹെല്‍ത്ത് ഇന്‍സ്‌പെക്ടര്‍ അബ്ദുല്‍ ഖാദര്‍ അധ്യക്ഷനായി. ഹെല്‍ത്ത് സൂപ്പര്‍വൈസര്‍ ഹരിദാസ് ഉപഹാരം നല്‍കി. ഹെല്‍ത്ത് ഇന്‍സ്‌പെക്ടര്‍മാരായ ശിവദാസ്, ഹരിദാസ്, ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ സജികുമാര്‍, ബിജു ജയറാം, രാജേന്ദ്രന്‍, സി.ഐ.ടി.യു സെക്രട്ടറി പ്രസന്നകുമാര്‍, എന്‍ ചന്ദ്രന്‍ സംബന്ധിച്ചു. കെ.ടി ദാസന്‍ സ്വാഗതവും കെ.ടി ശിവദാസന്‍ നന്ദിയും പറഞ്ഞു.