കൊച്ചി: എസ്.എഫ്.ഐ പ്രവര്‍ത്തകരായ ഏഴു വിദ്യാര്‍ഥികളെ എറണാകുളം സെന്റ് ആല്‍ബര്‍ട്‌സ് കോളജില്‍ നിന്ന് പുറത്താക്കിയതിനെതിരേ ഏരിയ കമ്മിറ്റിയുടെ നേതൃത്വത്തില്‍ പ്രതിഷേധ മാര്‍ച്ച് നടത്തി. ഹൈക്കോടതി ജങ്ഷനില്‍ നിന്നാരംഭിച്ച മാര്‍ച്ച് കോളജ് കവാടത്തില്‍ വച്ച് പൊലീസ് തടഞ്ഞു.
എസ്.എഫ്.ഐയുടെ കൊടിമരം തകര്‍ത്തതില്‍ പ്രതിഷേധിച്ചു പ്രകടനം നടത്തിയതിന്റെ പേരില്‍ ഒരു മാസം മുന്‍പ് ഇതേ വിദ്യാര്‍ഥികളെ മാനേജ്‌മെന്റ് സസ്‌പെന്‍ഡ് ചെയ്തിരുന്നു. കഴിഞ്ഞ ദിവസമാണ് ഇവരെ പുറത്താക്കിയത്. വിദ്യാര്‍ഥികളെ തിരിച്ചെടുക്കണമെന്നാവശ്യപ്പെട്ടാണു മാര്‍ച്ച് നടത്തിയത്.