കോവളം: വീട്ടില്‍ അതിക്രമിച്ച് കയറി ദമ്പതികളെ ആക്രമിച്ച കേസില്‍ യുവാവ് അറസ്റ്റില്‍. കോട്ടുകാല്‍ വട്ടവിള തേരിവിള വീട്ടില്‍ യേശുദാസ (30) നെയാണ് വിഴിഞ്ഞം പൊലിസ് അറസ്റ്റ് ചെയ്തത്. ഇയാളുടെ ആദ്യ ഭാര്യയുമായി അടുപ്പമുണ്ടെന്ന് സംശയിച്ച് വട്ടവിള സ്വദേശിയായ ബിനുവിന്റെ വീട്ടില്‍ കഴിഞ്ഞദിവസം രാത്രി മാരകായുധവുമായി കയറി ബിനുവിനെയും ഭാര്യയെയും ആക്രമിച്ച കേസിലാണ് അറസ്റ്റ്.
വിഴിഞ്ഞം സര്‍ക്കില്‍ ഇന്‍സ്‌പെക്ടര്‍ എന്‍. ഷിബു, എസ്.ഐ രതീഷ് എന്നിവരുടെ നേതൃത്വത്തിലുള്ള പൊലിസാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.