മലപ്പുറം: 'ഐ.എസ്, സലഫിസം, ഫാസിസം' എന്ന പ്രമേയത്തില്‍ എസ്.വൈ.എസ് ത്രൈമാസ കാംപയിന്‍ ആചരിക്കുന്നു. ഓഗസ്റ്റ് ഒന്നു മുതല്‍ ഒക്ടോബര്‍ 31 വരെ ആചരിക്കുന്ന കാംപയിനിന്റെ സംസ്ഥാനതല ഉദ്ഘാടനം ആറിന് കോഴിക്കോട്ട് നടക്കും. 'സലഫിസം, ഐ.എസ്, ഫാസിസം, തീവ്രവാദം, വിഘടന പ്രവര്‍ത്തനങ്ങള്‍' എന്നീ വിഷയങ്ങളില്‍ ചര്‍ച്ച നടക്കും.

ജില്ലാതല സെമിനാര്‍, മണ്ഡലം-പഞ്ചായത്ത്-മഹല്ല് തല പ്രത്യേക ബോധവല്‍ക്കരണ പരിപാടികള്‍, ലഘുലേഖ വിതരണം എന്നിവയാണ് സംഘടിപ്പിക്കുക. കെ. മോയിന്‍കുട്ടി മാസ്റ്റര്‍ കണ്‍വീനറായി കാംപയിന്‍ സമിതിയെ തിരഞ്ഞെടുത്തു.