കൊടുവള്ളി: അടച്ചിട്ട വീട്ടില്‍ നിന്ന് 12.5 പവന്‍ സ്വര്‍ണം മോഷണം പോയ കേസില്‍ പ്രതിയെ കൊടുവള്ളി പൊലിസ് പിടികൂടി. നരിക്കുനി രണ്ടോളിയില്‍ സതീഷ് കുമാറി (44)നെയാണ് ഇന്നലെ രാവിലെ നരിക്കുനിയില്‍നിന്ന് പിടികൂടിയത്.
രണ്ടുമാസം മുന്‍പായിരുന്നു കാരുകുളങ്ങര മുഹമ്മദിന്റെ വീട് കുത്തിത്തുറന്ന് മോഷണം നടത്തിയത്. സംശയത്തെ തുടര്‍ന്ന് സതീഷ് കുമാറിനെ നേരത്തെ പൊലിസ് ചോദ്യം ചെയ്തിരുന്നു. ഇതിനു ശേഷം ഇയാള്‍ നാട്ടില്‍നിന്ന് മുങ്ങുകയായിരുന്നു.
പൊലിസിനു കിട്ടിയ രഹസ്യവിവരത്തിന്റെ അടിസ്ഥാനത്തില്‍ പ്രതിയെ പിടികൂടുകയായിരുന്നു.
താമരശേരി കോടതിയില്‍ ഹാജരാക്കി.