ആലപ്പുഴ: സെന്‍ട്രല്‍ ബോര്‍ഡ് ഓഫ് സെക്കന്‍ഡറി എഡ്യൂക്കേഷന്‍ ടേബിള്‍ ടെന്നിസ് മത്സരങ്ങള്‍ സംസ്ഥാന അസോസിയേഷന്റെയും ടേബിള്‍ ടെന്നിസ് ഫെഡറേഷന്‍ ഓഫ് ഇന്ത്യയുടെയും കലണ്ടറുകളുമായി പൊരുത്തപ്പെടുന്ന രീതിയില്‍ സംഘടിപ്പിക്കണമെന്നു ടി.ആര്‍.എ.ടി.ടി ക്ലബ് ആവശ്യപ്പെട്ടു.
മറിച്ച് രാജ്യത്തിന്റെ വിവിധ ഭാഗങ്ങളില്‍ നടക്കുന്ന ടൂര്‍ണമെന്റുകളുടെയും ചാംപ്യന്‍ഷിപ്പുകളുടെയും മത്സര തീയതികള്‍ ഒന്നിച്ചാകുകയും വിദ്യാര്‍ഥികള്‍ക്ക് അവസരങ്ങള്‍ നഷ്ടപ്പെടുകയും ചെയ്യും.സി.ബി.എസ്.സി ക്ലസ്റ്റര്‍ പതിനൊന്ന് ടേബിള്‍ ടെന്നിസ് മത്സരങ്ങള്‍ ആലപ്പുഴ എസ്.ഡി.വി ഇംഗ്ലീഷ് മീഡിയം ഹയര്‍ സെക്കന്‍ഡറി സ്‌കൂളില്‍ സെപ്റ്റംബര്‍ എട്ട്, ഒന്‍പത് തീയതികളില്‍ നടത്താനാണ് തീരുമാനിച്ചിരിക്കുന്നത്. എന്നാല്‍ ആറു മുതല്‍ 12 വരെ ആന്ധ്ര പ്രദേശിലെ വിജയവാഡയില്‍ നാഷണല്‍ റാങ്കിംഗ് ടേബിള്‍ ടെന്നിസ് സൗത്ത് സോണ്‍ ചാമ്പ്യന്‍ഷിപ്‌സ് നടത്താന്‍ നേരത്തേ നിശ്ചയിച്ചിട്ടുണ്ട്.
രണ്ടു മത്സരങ്ങളും ഒരുമിച്ചു വരുന്നതിനാല്‍ ഫലത്തില്‍ ഇതിലേതെങ്കിലും ഒന്നിലേ വിദ്യാര്‍ഥികള്‍ക്കു പങ്കെടുക്കാനാകൂ.