ചേളാരി: സമസ്ത കേരള ഇസ്‌ലാം മത വിദ്യാഭ്യാസ പരീക്ഷാ ബോര്‍ഡ് കഴിഞ്ഞ 14, 15 തിയതികളില്‍ നടത്തിയ പൊതുപരീക്ഷയുടെ മൂല്യനിര്‍ണയ ക്യാംപ് തുടങ്ങി. കോഴിക്കോട്, മലപ്പുറം, പാലക്കാട് എന്നീ ജില്ലകളിലെ ഒന്‍പതു കേന്ദ്രങ്ങളാണ് ഇതിനുവേണ്ടി തിരഞ്ഞെടുത്തത്.
2,41,805 കുട്ടികളാണ് ഈ വര്‍ഷം പൊതുപരീക്ഷ എഴുതിയത്. മൊത്തം 10 ലക്ഷം ഉത്തരക്കടലാസുകള്‍ ഈ മാസം 28 വരെ നടക്കുന്ന ക്യാംപില്‍ മൂല്യനിര്‍ണയം നടത്തും. 1,600 പരിശോധകരെ ഇതിനായി നിയോഗിച്ചിട്ടുണ്ട്.
ചേളാരി സമസ്താലയത്തില്‍ സമസ്ത ഉലമ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു. വിദ്യാഭ്യാസ ബോര്‍ഡ് മാനേജര്‍ കെ. മോയിന്‍കുട്ടി മാസ്റ്റര്‍ അധ്യക്ഷനായി. എം.എ ചേളാരി, കെ.പി അബ്ദുറഹ്മാന്‍ മുസ്‌ലിയാര്‍ പ്രസംഗിച്ചു. കെ.സി അഹ്മദ്കുട്ടി മൗലവി സ്വാഗതവും കെ. ഹംസക്കോയ നന്ദിയും പറഞ്ഞു.
മണ്ണാര്‍ക്കാട് ദാറുന്നജാത്ത് ഓര്‍ഫനേജില്‍ സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു.
ബാപ്പു മുസ്‌ലിയാര്‍ അധ്യക്ഷനായി. അബ്ദുല്‍ ഖാദിര്‍ ഫൈസി പ്രസംഗിച്ചു. പി. മുഹമ്മദലി ഫൈസി സ്വാഗതവും നാലകത്ത് അബ്ദുറസാഖ് ഫൈസി നന്ദിയും പറഞ്ഞു.
കരുവാരകുണ്ട് ദാറുന്നജാത്തില്‍ ഇ. മൊയ്തീന്‍ ഫൈസി പുത്തനഴി ഉദ്ഘാടനം ചെയ്തു. വി.കെ.എസ് തങ്ങള്‍ അധ്യക്ഷനായി. ഫള്‌ലുറഹ്മാന്‍ ഫൈസി സ്വാഗതവും അബ്ദുല്‍ മജീദ് മുസ്‌ലിയാര്‍ നന്ദിയും പറഞ്ഞു. പട്ടിക്കാട് ജാമിഅ നൂരിയ്യയില്‍ പരീക്ഷാ ബോര്‍ഡ് ചെയര്‍മാന്‍ എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്തു. വി.കെ ഉണ്ണീന്‍കുട്ടി മൂസ്‌ലിയാര്‍ അധ്യക്ഷനായി. ടി.പി അബൂബക്കര്‍ മുസ്‌ലിയാര്‍ സ്വാഗതവും അബ്ദുന്നാസിര്‍ ഫൈസി നന്ദിയും പറഞ്ഞു.
തിരൂര്‍ക്കാട് അന്‍വാറുല്‍ ഇസ്‌ലാം അറബിക് കോളജില്‍ അബ്ദുസ്സമദ് പൂക്കോട്ടൂര്‍ ഉദ്ഘാടനം ചെയ്തു. ഇബ്‌റാഹിം ഫൈസി തിരൂര്‍ക്കാട് അധ്യക്ഷനായി. മുഹമ്മദ് ശരീഫ് ബാഖവി സ്വാഗതവും ബാദുഷ അന്‍വരി നന്ദിയും പറഞ്ഞു.
കുണ്ടൂര്‍ മര്‍കസില്‍ കെ.എം അബ്ദുല്ല മാസ്റ്റര്‍ കൊട്ടപ്പുറം ഉദ്ഘാടനം ചെയ്തു. എന്‍.പി ആലി ഹാജി അധ്യക്ഷനായി. ഉസ്മാന്‍ ഫൈസി ഇന്ത്യനൂര്‍, മുഹമ്മദ്കുട്ടി ദാരിമി, ശിഹാബുദ്ദീന്‍ ദാരിമി പ്രസംഗിച്ചു. നന്തി ദാറുസ്സലാം അറബിക് കേളജില്‍ തഖ്‌യുദ്ദീന്‍ ഹൈത്തമി ഉദ്ഘാടനം ചെയ്തു. കെ. അമ്മദ് അധ്യക്ഷനായി. ഇബ്‌റാഹിം ദാരിമി മക്കിയാട്, കെ. അലി മുസ്‌ലിയാര്‍, അബ്ദുല്‍ മജീദ് ദാരിമി പ്രസംഗിച്ചു.
മടവൂര്‍ സി.എം മഖാം ഓര്‍ഫനേജില്‍ സമസ്ത മുശാവറ അംഗം കെ. ഉമര്‍ ഫൈസി മുക്കം ഉദ്ഘാടനം ചെയ്തു. അബ്ദുറഹ്മാന്‍ മാസ്റ്റര്‍ അധ്യക്ഷനായി. ഫൈസല്‍ ഫൈസി മടവൂര്‍, എം.പി അലവി ഫൈസി, ഫൈസല്‍ ലത്വീഫി പ്രസംഗിച്ചു.
കുറ്റിക്കാട്ടൂര്‍ ജാമിഅ യമാനിയ്യയില്‍ ആര്‍.വി കുട്ടി ഹസന്‍ ദാരിമി ഉദ്ഘാടനം ചെയ്തു. കെ.എച്ച് കോട്ടപ്പുഴ അധ്യക്ഷനായി. ടി.പി അബ്ദുല്‍ മജീദ് ദാരിമി, ഇ.പി അഹ്മദ്കുട്ടി മുസ്‌ലിയാര്‍, ശംസുദ്ദീന്‍ ദാരിമി പ്രസംഗിച്ചു.