വേങ്ങര: വിദ്യാര്‍ഥികള്‍ക്കും കൗമാരക്കാര്‍ക്കും അശ്ലീല വീഡിയോകള്‍ പകര്‍ത്തി നല്‍കിയ യുവാവിനെ പൊലിസും ആന്റി പൈറസി വിഭാഗവും ചേര്‍ന്ന് പിടികൂടി. കൂരിയാട് ജങ്ഷനിലെ കിങ് വീഡിയോ ഉടമ കളത്തിങ്ങല്‍പടി അഭിലാഷ് (30)നെയാണു അറസ്റ്റ് ചെയ്തത്. സ്ഥാപനത്തില്‍ നിന്ന് 15,000 രൂപയും കണ്ടെടുത്തു. 18 വയസില്‍ താഴെയുളള കുട്ടികള്‍ക്ക് 50 രൂപ നിരക്കില്‍ ഇയാള്‍ സ്ഥിരമായി വീഡിയോകള്‍ കാര്‍ഡുകളിലും ഫോണുകളിലും പകര്‍ത്തി നല്‍കിവരികയായിരുന്നെന്നു പൊലിസ് പറഞ്ഞു.
ആന്റി പൈറസി ഡി.വൈ.എസ്.പി എം ഇഖ്ബാല്‍, എസ്.ഐ ആര്‍ രാജേന്ദ്രന്‍ നായര്‍, സി.പി.ഒ ഷിജു എന്നിവരുള്‍പ്പെട്ട സംഘമാണ് റെയ്ഡ് നടത്തിയത്.