കാസര്‍കോട്: ജീവിതത്തിന്റെ ധന്യമായ മുഹൂര്‍ത്തത്തില്‍ സല്‍മാന്‍ ഓര്‍ത്തത് പാവപ്പെട്ട കുട്ടികളെയായിരുന്നു. മുളിയാര്‍ ബഡ്‌സ് സ്‌കൂളിലെ ഭിന്നശേഷിയുള്ള അന്‍പതോളം കുട്ടികള്‍ക്ക് യൂനിഫോമിനുള്ള തുകയാണ് സല്‍മാന്‍ നല്‍കിയത്.
തന്റെ നിക്കാഹ് വേളയില്‍ പ്രമുഖരൊക്കെ അണിനിരന്ന ചടങ്ങില്‍ യൂനിഫോമിനുള്ള പണം ബഡ്‌സ് സ്‌കൂള്‍ അധ്യാപിക സുമയ്ക്ക് കൈമാറി. ഉദുമ മണ്ഡലം മുസ്‌ലിം ലീഗ് ജനറല്‍ സെക്രട്ടറി എ.ബി ഷാഫിയുടെ മകന്‍ എ.ബി സല്‍മാനാണ് വിവാഹ ദിവസം നന്മകൊണ്ട് കൈയൊപ്പ് ചാര്‍ത്തിയത്.
സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, പാണക്കാട് സയ്യിദ് മുനവ്വറലി ശിഹാബ് തങ്ങള്‍, ഒ.കെ.എസ് തങ്ങള്‍ നീലഗിരി, ജലാലുദ്ദീന്‍ തങ്ങള്‍ കുന്നുംകൈ, എം.എസ് തങ്ങള്‍ മദനി, സയ്യിദ് അബ്ദുല്‍ ഖാദര്‍ ആറ്റക്കോയ തങ്ങള്‍ മാവൂര്‍, യു.എം അബ്ദുല്‍ റഹ്മാന്‍ മൗലവി, ഇ.പി ഹംസത്തു സഅദി, ഷാഫി ബാഖവി ചാലിയം, എം.സി ഖമറുദ്ദീന്‍, ഹക്കീം കുന്നില്‍, സി.എച്ച് കുഞ്ഞമ്പു, എ. അബ്ദുല്‍ റഹ്മാന്‍ സംബന്ധിച്ചു.