മലപ്പുറം: ജില്ലയിലെ പ്രളയബാധിത മേഖലയിലെ ദുരിതമനുഭവിക്കുന്ന വിദ്യാര്‍ഥികള്‍ക്കായി കലക്ടറുടെ ദുരിതാശ്വാസ നിധിയിലേക്ക് എം.എസ്.എഫ് ജില്ലാ കമ്മിറ്റി നല്‍കുന്ന സ്‌കൂള്‍ കിറ്റിന്റെ ആദ്യഘട്ടം 750 കിറ്റുകള്‍ ജില്ലാ മുസ്‌ലിം ലീഗ് പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ ജില്ലാ കലക്ടര്‍ അമിത് മീണക്ക് കൈമാറി.
ബാഗ്, ടിഫിന്‍ ബോക്‌സ്, വാട്ടര്‍ബോട്ടില്‍, ഇന്‍സ്ട്രുമെന്റ് ബോക്‌സ്, നോട്ട്ബുക്ക് തുടങ്ങിയ ഉള്‍പ്പെടുത്തിയതാണ് സ്‌കൂള്‍ കിറ്റ്.
പി. ഉബൈദുല്ല എം.എല്‍.എ, മുസ്‌ലിംലീഗ് ജില്ലാ സെക്രട്ടറിമാരായ ഉമ്മര്‍ അറക്കല്‍, നൗഷാദ് മണ്ണിശ്ശേരി, എം.എസ്.എഫ് ദേശീയ വൈസ് പ്രസിഡന്റ് പി.വി അഹമ്മദ് സാജു, ജില്ലാ പ്രസിഡന്റ് ടി.പി ഹാരിസ്, ജില്ലാ ജനറല്‍ സെക്രട്ടറി വി.പി അഹമ്മദ് സഹീര്‍, ഭാരവാഹികളായ നിസാജ് എടപ്പറ്റ, കെപി മുഹമ്മദ് ഇഖ്ബാല്‍, സാദിഖ് കൂളമഠത്തില്‍, റിയാസ് പുല്‍പറ്റ, ടി. നിയാസ്, ഇ.വി ഷാനവാസ്, സി.എച്ച് ഷക്കീബ്, ഫാരിസ് കറുത്തേടത്ത്, ഹക്കീം തങ്ങള്‍, ടി.പി നബീല്‍, ജുനൈദ് മേലാറ്റൂര്‍, മുജീബ് കോഡൂര്‍, ഹരിത ജില്ലാ ഭാരവാഹികളായ നജ്മ ഹനീന, എം. ഷിഫ, നയന സുരേഷ്, സിത്താര പര്‍വിന്‍, ഷംന തുടങ്ങിയവര്‍ പങ്കെടുത്തു.