കോഴിക്കോട്: സ്‌കൂള്‍ പരിസരത്തു നിരോധിത പുകയില ഉല്‍പന്നങ്ങള്‍ വില്‍പന നടത്തിയ കടയുടമ അറസ്റ്റില്‍. ചക്കുംകടവ് കുത്തുകല്ല് വീട്ടില്‍ അബ്ദുല്‍ നാസര്‍(44) ആണ് അറസ്റ്റിലായത്.
സിറ്റി പൊലിസ് കമ്മിഷണറുടെ കീഴിലുള്ള ഓപറേഷന്‍ ഇടിമിന്നലിന്റെ ഭാഗമായി നടത്തിയ പരിശോധനയിലാണ് ഫ്രാന്‍സിസ് റോഡില്‍ ഗവ. എല്‍.പി സ്‌കൂള്‍ പരിസരത്തു പ്രവര്‍ത്തിക്കുന്ന കടയില്‍ നിന്നു പുകയില ഉല്‍പന്നങ്ങള്‍ പിടികൂടിയത്. ഇവിടെ നിന്ന് ഹാന്‍സ്, ഗണേഷ് തുടങ്ങിയ ഉല്‍പന്നങ്ങളും 30,000 രൂപ വിലവരുന്ന വിവിധ കമ്പനികളുടെ സിഗരറ്റ് ഉല്‍പന്നങ്ങളും പിടികൂടി. ടൗണ്‍ പൊലിസ് എസ്.ഐ പി.എം വിമോദ്, ഷാഡോ ടീം അംഗങ്ങളായ മിനി, തുളസി, ഹനീഷ് എന്നിവരാണു പരിശോധനാ സംഘത്തിലുണ്ടായിരുന്നത്.