പേരാവൂര്‍ (കണ്ണൂര്‍): കണ്ണവം ആലയാട്ടെ ആര്‍.എസ്.എസ് പ്രവര്‍ത്തകനായിരുന്ന ശ്യാമപ്രസാദിനെ കൊലപ്പെടുത്തിയ സംഭവത്തില്‍ മുഖ്യസൂത്രധാരന്‍ മഹാരാഷ്ട്രയില്‍ പിടിയില്‍. കൂത്തുപറമ്പ് മെരുവമ്പായിയിലെ വായോത്ത് മാണിക്കോത്ത് വി.എം സലിം(37)നെയാണ് പേരാവൂര്‍ പൊലിസ് പിടികൂടിയത്.
കൊലപാതകം ആസൂത്രണംചെയ്തത് സലീമിന്റെ നേതൃത്വത്തിലാണെന്ന് പൊലിസ് പറഞ്ഞു. കേസില്‍ ഒന്‍പതാം പ്രതിയാണ് സലിം. ഇക്കഴിഞ്ഞ ജനുവരി 19നാണ് പേരാവൂര്‍ ഐ.ടി.ഐ വിദ്യാര്‍ഥിയായിരുന്ന ശ്യാമപ്രസാദിനെ വാഹനത്തില്‍ പിന്തുടര്‍ന്നെത്തിയ സംഘം കോളയാട് കൊമ്മേരിയില്‍ വച്ച് വെട്ടിക്കൊലപ്പെടുത്തിയത്. ശ്യാമപ്രസാദ് കൊല്ലപ്പെട്ടതിന്റെ നാലാംദിവസം ഒളിവില്‍പോയ സലിം മഹാരാഷ്ട്രയില്‍ ഹോട്ടലില്‍ ജോലിചെയ്തു വരികയായിരുന്നു.