ആലപ്പുഴ: പ്രളയത്തെ നമ്മള്‍ പ്രത്യാശ കൊണ്ട് നേരിടുമെന്നും ഒരുമിച്ച് നിന്നാല്‍ പ്രളയത്തെ നമുക്ക് അതിജീവിക്കാനാകുമെന്നും അതിനാണ് മുസ്‌ലിം ലീഗ് മുന്‍കൈയെടുക്കുന്നതെന്നും മുസ്‌ലിംലീഗ് തമിഴ്‌നാട് സ്റ്റേറ്റ് ജനറല്‍ സെക്രട്ടറിയും കടയനല്ലൂര്‍ എം.എല്‍.എയുമായ കെ.എ.എം അബൂബക്കര്‍ പറഞ്ഞു.
ഓള്‍ ഇന്ത്യാ കെ.എം.സി.സി തമിഴ്‌നാട് സ്റ്റേറ്റ് കമ്മിറ്റി പ്രളയബാധിത പ്രദേശങ്ങളില്‍ നടത്തിയ ദുരിതാശ്വാസ പ്രവര്‍ത്തനങ്ങളുടെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. 20 ലക്ഷത്തോളം രൂപയുടെ സാധനങ്ങള്‍ ഓള്‍ ഇന്ത്യാ കെ.എം.സി.സി തമിഴ്‌നാട് സ്റ്റേറ്റ് കമ്മിറ്റി പ്രളയബാധിത പ്രദേശങ്ങളില്‍ വിതരണം ചെയ്തു. ആലപ്പുഴ ജില്ലയിലെ പ്രളയബാധിത പ്രദേശങ്ങളായ മണ്ണഞ്ചേരി, പള്ളാത്തുരുത്തി, കഞ്ഞിപ്പാടം, കുന്നുമ്മ, കരുവാറ്റ, വീയപുരം, എടത്വ, മാന്നാര്‍ തുടങ്ങിയ പ്രദേശങ്ങളില്‍ അര്‍ഹരായവരെ കണ്ടെത്തിയായിരുന്നു വിതരണം ചെയ്തത്.
കുര്‍ബാനി മെഡിക്കല്‍ ആന്‍ഡ് എഡ്യൂക്കേഷണല്‍ ട്രസ്റ്റ് തിരിപ്പൂരും യുനൈറ്റഡ് വെല്‍ഫെയര്‍ ഓര്‍ഗനൈസേഷന്‍ ചെന്നൈയുമായി സഹകരിച്ച് നടത്തിയ ദുരിതാശ്വാസ സഹായ വിതരണത്തിന് ഓള്‍ ഇന്ത്യ കെ.എം.സി.സി ജനറല്‍ സെക്രട്ടറി ശംസുദ്ദീന്‍, സെക്രട്ടറി ടി. അബ്ദുള്‍ ഗഫൂര്‍, കെ.എം.സി.സി നേതാക്കന്മാരായ റിയാസ്, റസാഖ് ഹാജി, അഷീര്‍, റഹീം ബ്രോഡ്വേ, നസീര്‍ ഹാജി ബ്രോഡ്വേ, ഉബൈദ് കരളാത്ത്, സലീം കാഞ്ഞിലോട്, കുര്‍ബാനി ട്രസ്റ്റ് ജനറല്‍ സെക്രട്ടറി അഹമ്മദ് ഫൈസല്‍ നേതൃത്വം നല്‍കി. കര്‍ഷകസംഘം സംസ്ഥാന ജനറല്‍ സെക്രട്ടറി സി. ശ്യാംസുന്ദര്‍, മുസ്ലിം ലീഗ് ഹരിപ്പാട് മണ്ഡലം ജനറല്‍ സെക്രട്ടറി ഫക്രുദ്ദീന്‍ അലി അഹമ്മദ്, യൂത്ത്‌ലീഗ് ജില്ലാ പ്രസിഡന്റ് ഷാജഹാന്‍, എം.എസ്.എഫ് ജില്ലാ ജനറല്‍ സെക്രട്ടറി സദ്ദാം ഹരിപ്പാട്, എം.എസ്.എഫ് ഹരിപ്പാട് മണ്ഡലം പ്രസിഡന്റ് ഉവൈസ് പതിയാങ്കര, ഹരിപ്പാട് മണ്ഡലം മുസ്‌ലിംലീഗ് നേതാക്കളായ തൈക്കിഴക്കതില്‍ അബൂബക്കര്‍കുഞ്ഞ്, തൈപ്പറമ്പില്‍ മുഹമ്മദ് കുഞ്ഞ്, എന്‍.ആര്‍ രാജ, ഉവൈസ് കുഞ്ഞിത്തൈയില്‍, മമ്മൂഞ്ഞ് തൈപ്പറമ്പില്‍, സി.കെ ഷാനവാസ്, ഷാനവാസ് പാനൂര്‍, ഇര്‍ഷാദ്, കമറുദ്ദീന്‍, സിയാദ് കണ്ടത്തില്‍, ബഷീര്‍, റഷീദ്, ഷാജി, ഷാജി തൃക്കുന്നപ്പുഴ, അബ്ദുല്‍ ഖാദര്‍കുഞ്ഞ് കളത്തിപ്പറമ്പില്‍, ഹാഷിം പുത്തന്‍പുരയ്ക്കല്‍, അഷ്‌റഫ് പുത്തന്‍പുരയ്ക്കല്‍, നവാസ് വാലയില്‍ പങ്കെടുത്തു.