മുംബൈ: മദ്യരാജാവ്  വിജയ് മല്യയുടെ എട്ടു കാറുകള്‍ എസ്.ബി.ഐ കാപ് ട്രസ്റ്റി കമ്പനി ലേലത്തില്‍വച്ചു. വിജയ് മല്യയുടേയും മല്യയുടെ കമ്പനികളുടേയും പേരിലുള്ള കാറുകളാണ് ലേലത്തില്‍വച്ചത്.

മുംബൈയിലെ കിംങ്ഫിഷര്‍ ഹൗസ് എസ്.ബി.ഐ നേരത്തെ ലേലത്തില്‍ വച്ചിരുന്നു. എന്നാല്‍ ലേലത്തുക 150 കോടി രൂപയില്‍ നിന്ന് 135 കോടിയിലേക്ക് കുറച്ചിട്ടും ആരും ഇതുവരെ ഏറ്റെടുക്കാന്‍ തയാറായിട്ടില്ല.

ആഗസ്റ്റ് 25നാണ് കാറുകളുടെ ലേലം. കിങ്ഫിഷര്‍ എയര്‍ലൈന്‍സ് അടക്കമുള്ള കമ്പനികള്‍ക്ക് വേണ്ടി 17 ബാങ്കുകളില്‍ നിന്നായി 9000 കോടി രൂപയിലധികം വായ്പയെടുത്ത് തിരിച്ചടയ്ക്കാതെയാണ് മല്യ ബ്രിട്ടനിലേയ്ക്ക് മുങ്ങിയത്.