കോഴിക്കോട്: മെഡിക്കല്‍ കോളജ് കേന്ദ്രീകരിച്ച് പ്രവര്‍ത്തിക്കുന്ന സി.എച്ച് സെന്ററിന് വേണ്ടിയുള്ള ഫണ്ട് സമാഹരണം ഇന്ന് നടക്കും. ആതുര സേവന രംഗത്ത് നിര്‍ധന രോഗികള്‍ക്ക് സഹായമെത്തിക്കുന്നതില്‍ മാതൃക തീര്‍ക്കുന്ന സി.എച്ച് സെന്ററിന്റെ ധനശേഖരണാര്‍ഥം ജുമുഅ നിസ്‌കാര ശേഷം പള്ളികളിലാണ് പ്രധാനമായും ഫണ്ട് ശേഖരണം നടക്കുന്നത്.

കൂടാതെ വിവിധ വാഹന ഉടമകള്‍ അവരുടെ ഒരു ദിവസത്തെ കലക്ഷന്‍ സി.എച്ച് സെന്ററിന് വേണ്ടി സംഭാവന ചെയ്യാനും തീരുമാനിച്ചിട്ടുണ്ട്. സി.എച്ച് സെന്ററിന്റെ പ്രവര്‍ത്തനത്തിന് സഹായമെത്തിക്കാന്‍ എല്ലാവരും പരിശ്രമിക്കണമെന്നും നാട്ടിലും വിദേശങ്ങളിലുമുള്ള മുഴുവന്‍ സഹോദരങ്ങളും ഉദാരമതികളും സഹായിക്കണമെന്നും മുഖ്യരക്ഷാധികാരി പാണക്കാട് സയ്യിദ് ഹൈദരലി ശിഹാബ് തങ്ങള്‍ അഭ്യര്‍ഥിച്ചു.