കൂത്തുപറമ്പ്: അസോ.ഓഫ് ഓട്ടോമൊബൈല്‍ വര്‍ക്ക്‌ഷോപ്പ്‌സ് കേരള ജില്ലാ സമ്മേളനം കൂത്തുപറമ്പില്‍ തുടങ്ങി. പൊതുസമ്മേളനം മാറോളിഘട്ട് ടൗണ്‍ സ്‌ക്വയറില്‍ സണ്ണി ജോസഫ് എംഎല്‍എ ഉദ്ഘാടനം ചെയ്തു.
ജില്ലാ പ്രസിഡന്റ് കെ.വി രത്‌നദാസ് അധ്യക്ഷനായി. ചാരിറ്റി ഫണ്ട് വിതരണം ജില്ലാ പഞ്ചായത്ത് പ്രസിഡന്റ് കെ.വി സുമേഷും വീല്‍ചെയര്‍ വിതരണം നഗരസഭാ ചെയര്‍മാന്‍ എം സുകുമാരനും നിര്‍വഹിച്ചു. സംസ്ഥാന പ്രസിഡന്റ് എം.കെ വിജയന്‍, സംസ്ഥാന ജനറല്‍ ജനറല്‍ സെക്രട്ടറി കെ.ജി ഗോപകുമാര്‍, ട്രഷറര്‍ കെ.എ ജോസഫ്, കെ.സി പീറ്റര്‍, ടി.പി ബാലന്‍, നസീര്‍ കള്ളിക്കാട്, രവീന്ദ്രന്‍ കണ്ണംകൈ, ജില്ലാ സെക്രട്ടറി പി. പ്രസീല്‍ കുമാര്‍, പി.കെ സുനില്‍കുമാര്‍ സംസാരിച്ചു.
സമ്മേളനത്തിനു മുന്നോടിയായി തൊക്കിലങ്ങാടിയില്‍ നിന്നു കൂത്തുപറമ്പ് ടൗണിലേക്ക് പ്രകടനവും നടന്നു. സമ്മേളനത്തിന്റെ ഭാഗമായി ഇന്നു രാവിലെ 10 മുതല്‍ കൂത്തുപറമ്പ് ലയണ്‍സ് ക്ലബ് ഹാളില്‍ പ്രതിനിധി സമ്മേളനം നടക്കും.