സന്‍ആ: യമനില്‍ സഊദി -യു.എ.ഇ നേതൃത്വത്തിലുള്ള സഖ്യസേനയുടെ വ്യോമാക്രമണത്തില്‍ ആറ് സിവിലിയന്മാര്‍ കൊല്ലപ്പെട്ടു. നിരവധി പേര്‍ക്ക് പരുക്കേറ്റു. തലസ്ഥാനമായ സന്‍ആയിലെ ജനവാസ മേഖലയിലാണ് ആക്രമണം നടത്തിയത്.
11 ആക്രമണങ്ങളാണ് സഖ്യസേന നടത്തിയതെന്ന് ഹൂതി നേതൃത്വത്തിലുള്ള മസ്‌റഹ് ടി.വി പറഞ്ഞു. കൊല്ലപ്പെട്ടവരില്‍ നാല് പേര്‍ കുട്ടികളാണെന്നും ആരോഗ്യ വിഭാഗത്തില്‍ ജോലി ചെയ്യുന്ന രണ്ട് റഷ്യന്‍ സ്ത്രീകള്‍ ഉള്‍പ്പെടെ 52 പേര്‍ക്ക് പരുക്കേറ്റെന്നും മസ്‌റഹ് ടി.വി പറഞ്ഞു. ഇന്നലെ രാവിലെ എട്ടോടെയാണ് വ്യോമാക്രമണം ആരംഭിച്ചതെന്ന് ദൃക്‌സാക്ഷികള്‍ പറഞ്ഞു.
സഊദിയിലെ ഇന്ധന പൈപ്പ് ലൈനിനെതിരേ ഹൂതികള്‍ ഡ്രോണ്‍ ആക്രമണം നടത്തിയതിന് പിന്നാലെയാണ് സഖ്യസേനയുടെ നീക്കം.