അന്നമനട: ഇന്ത്യന്‍ നാഷണല്‍ കോണ്‍ഗ്രസ്  നാലാം വാര്‍ഡ് കമ്മിറ്റിയും 146 ബൂത്ത് കമ്മിറ്റിയുടെയും സംയുക്താഭിമുഖ്യത്തില്‍ കുടുംബ സംഗമവും നിര്‍ദ്ധന രോഗികള്‍ക്കും വിദ്യാര്‍ഥികള്‍ക്കുമുള്ള സഹായ വിതരണവും അന്നമനട എന്‍.എസ്.എസ് ഹാളില്‍ സംഘടിപ്പിച്ചു. യോഗത്തല്‍ കെ.കെ. രവി നമ്പൂതിരി അധ്യക്ഷനായി. കെ.പി.സി.സി സെക്രട്ടറി ടി.യു രാധാകൃഷ്ണന്‍ ഉദ്ഘാടനം ചെയ്തു.
ഡി.സി.സി ജനറല്‍ സെക്രട്ടറി വി.എ അബ്ദുള്‍ കരീം  മാള ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് പി.ഡി ജോസ്, എ.എച്ച് അബൂബക്കര്‍, ഇ.വി  ഗോപകമാര്‍ എന്നിവര്‍ സംസാരിച്ചു. എസ്.എസ്.എല്‍.സി പരീക്ഷയില്‍ മുഴുവന്‍ എപ്ലസ് നേടിയ കുട്ടി പുതുശ്ശേരി വെട്ടിയാടന്‍ ദര്‍ശന ഡേവീസ് , ഒന്‍പത്  എപ്ലസ് നേടിയ മാളിയേക്കല്‍ ചാര്‍ലി എന്നിവരെ ആദരിച്ചു.
 പാവപ്പെട്ട ഡയാലിസിസ് രോഗികള്‍ക്കുള്ള സഹായവിതരണവും ചെയ്തു.