ന്യൂഡല്‍ഹി: ഗാന്ധി ഘാതകന്‍ നാഥുറാം ഗോഡ്‌സേയെ സ്തുതി പാടിയ ബി.ജെ.പി ഭോപ്പാല്‍ സ്ഥാനാര്‍ഥി പ്രഗ്യാ സിങ് ഠാക്കൂറിനെതിരെ നൊബേല്‍ സമ്മാന ജേതാവ് കൈലാശ് സത്യാര്‍ഥി. 'ഗോഡ്‌സെ ഗാന്ധിജിയുടെ ശരീരത്തെ കൊന്നു. പക്ഷെ, പ്രഗ്യയെപ്പോലുള്ള ആളുകള്‍ അദ്ദേഹത്തിന്റെ ആത്മാവിനെ കൂടി കൊല്ലുകയാണ്'- കൈലേശ് സത്യാര്‍ഥി പറഞ്ഞു.

ഗാന്ധിജി എല്ലാ പാര്‍ട്ടിക്കും രാഷ്ട്രീയത്തിനും മേലെയാണ്. ചെറിയ നേട്ടത്തിനു വേണ്ടിയുള്ള ആഗ്രഹം ബി.ജെ.പി നേതൃത്വം വെടിയണമെന്നും അവരെ ഉടന്‍ തന്നെ പുറത്താക്കി 'ഭരണ ധര്‍മം' നടപ്പാക്കണമെന്നും സത്യാര്‍ഥി ആവശ്യപ്പെട്ടു.

ഗാന്ധിജിയെ കൊന്ന ഗോഡ്‌സെ 'ദേശഭക്തനാ'ണെന്നാണ് പ്രഗ്യാ സിങ് ഠാക്കൂര്‍ പ്രതികരിച്ചത്. സ്വതന്ത്ര ഇന്ത്യയിലെ ആദ്യത്തെ തീവ്രവാദി ഗോഡ്‌സെ ആണെന്നും അദ്ദേഹം ഹിന്ദുവായിരുന്നുവെന്നുമുള്ള കമല്‍ ഹാസന്റെ പരാമര്‍ശത്തിനു പിന്നാലെയായിരുന്നു ഇത്.