കാസര്‍കോട്: പഴയചൂരി ജുമാമസ്ജിദില്‍ ക്രൂരമായി കൊല്ലപ്പെട്ട റിയാസ് മുസ്‌ലിയാര്‍ വധത്തിനു പിന്നില്‍ നടന്ന ഗൂഡാലോചന പുറത്ത് കൊണ്ടുവരണമെന്നാവശ്യപ്പെട്ട് എസ്.ഡി.പി.ഐ സംസ്ഥാന കമ്മിറ്റി കോഴിക്കോട് ഉത്തരമേഖല എ.ഡി.ജി.പി ഓഫിസിലേക്ക് സംഘടിപ്പിക്കുന്ന മാര്‍ച്ച് 20നു നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
റിയാസ് മുസ്‌ലിയാരുടെ വധം സംസ്ഥാനത്ത് കലാപം സൃഷ്ടിക്കാനുള്ള ആര്‍.എസ്.എസിന്റെ ആസൂത്രിത നീക്കമാണെന്ന് സംസ്ഥാന മുഖ്യമന്ത്രി നിയമസഭയില്‍ അറിയിച്ചിട്ടും കേസില്‍ അന്വേഷണം നടത്തുന്ന സംഘം ഗൂഢാലോചന പുറത്ത് കൊണ്ടു വരാനുള്ള ശ്രമം നടത്തുന്നില്ല.
കേസില്‍ അന്വേഷണം അട്ടിമറിക്കാന്‍ ശ്രമം നടക്കുന്നതായും സംസ്ഥാന ഭാരവാഹികളായ എ.കെ അബ്ദുല്‍ മജീദ്, പി.ആര്‍ കൃഷ്ണന്‍ കുട്ടി, എന്‍.യു സലാം, എ. അബ്ജുല്‍ ഖാദര്‍ ആരോപിച്ചു.