കേരളം അടക്കമുള്ള ദക്ഷിണേന്ത്യന്‍ സംസ്ഥാനങ്ങളിലെ ഫലം ആര്‍ക്കൊപ്പം നില്‍ക്കും? രാഹുല്‍ ഗാന്ധിയുടെ വയനാട് സ്ഥാനാര്‍ഥിത്വം കോണ്‍ഗ്രസിന് ഗുണം ചെയ്യുമോ? ദക്ഷിണേന്ത്യയില്‍ തരംഗമുണ്ടാക്കാന്‍ രാഹുലിനായോ?

കര്‍ണാടക

ബി.ജെ.പി 23 സീറ്റുകളില്‍ മുന്നില്‍: ജെ.ഡി.എസ്- കോണ്‍ഗ്രസ് സഖ്യ അഞ്ചിലൊതുങ്ങി

കര്‍ണാടകയില്‍ കോണ്‍ഗ്രസ്- ജെ.ഡി.എസ് സഖ്യത്തെ തകര്‍ത്ത് ബി.ജെ.പി മുന്നേറുന്നു. 23 സീറ്റുകളിലാണ് ഇപ്പോള്‍ ബി.ജെ.പി മുന്നിട്ടുനില്‍ക്കുന്നത്. അഞ്ചു സീറ്റുകളിലാണ് മാത്രമാണ് സഖ്യ സ്ഥാനാര്‍ഥികള്‍ ലീഡ് ചെയ്യുന്നത്.

ആദ്യ ഫലസൂചനകള്‍ ബി.ജെ.പിക്കൊപ്പം. 13 ലോക്‌സഭാ സീറ്റുകളില്‍ ബി.ജെ.പി മുന്നിട്ടു നില്‍ക്കുമ്പോള്‍ നാലു സീറ്റുകളിലാണ് കോണ്‍ഗ്രസ്- ജെ.ഡി.എസ് സഖ്യം മുന്നിട്ടു നില്‍ക്കുന്നത്.

തമിഴ്‌നാട്

ആദ്യ ഫലസൂചനകള്‍ ഡി.എം.കെ നേതൃത്വം നല്‍കുന്ന സഖ്യത്തിനൊപ്പം. എ.ഐ.എ.ഡി.എം.കെയെ പിന്തള്ളിയാണ് ഡി.എം.കെയുടെ മുന്നേറ്റം.

39 പാര്‍ലമെന്റ് മണ്ഡലത്തില്‍ 38 ഇടത്താണ് തമിഴ്‌നാട്ടില്‍ തെരഞ്ഞെടുപ്പ് നടന്നത്. കൂടെ 22 നിയമസഭാ മണ്ഡലങ്ങളിലേക്കുള്ള ഉപതെരഞ്ഞെടുപ്പും നടക്കുന്നുണ്ട്.

ആന്ധ്ര പ്രദേശ്

നിയമസഭാ തെരഞ്ഞെടുപ്പ് കൂടി നടക്കുന്ന ആന്ധ്രപ്രദേശില്‍ ഇഞ്ചോടിഞ്ച് പോരാട്ടമാണ് മുഖ്യമന്ത്രി ചന്ദ്രബാബു നായിഡുവിന്റെ ടി.ഡി.പിയും ജഗന്‍ മോഹന്‍ റെഡ്ഡിയുടെ വൈ.എസ്.ആര്‍ കോണ്‍ഗ്രസും നടക്കുന്നത്. ആദ്യ ഫല സൂചനകള്‍ വരുമ്പോള്‍ ഇരുവരും കനത്ത പോരാട്ടമാണ് കാഴ്ച വയ്ക്കുന്നത്.

തെലങ്കാന

ആന്ധ്രയില്‍ മുന്നേറുന്നത് വൈ.എസ്.ആര്‍ കോണ്‍ഗ്രസ്.  ടി.ഡി.പി മൂന്നു സീറ്റുകളില്‍ മാത്രമാണ് ലീഡ് ചെയ്യുന്നത്. 25 മണ്ഡലങ്ങളാണ് തെലങ്കാനയിലുള്ളത്.

തെലങ്കാനയില്‍ 11 സീറ്റുകളില്‍ ടി.ആര്‍.എസ് മുന്നിട്ടു നില്‍ക്കുന്നു. ബി.ജെ.പി ഒരു സീറ്റിലും മുന്നിട്ടു നില്‍ക്കുകയാണ്. കോണ്‍ഗ്രസിന് ലീഡ് ചെയ്യുന്ന ഒരു സീറ്റുമില്ല.

മുഖ്യമന്ത്രി കെ. ചന്ദ്രശേഖര്‍ റാവുവിന്റെ തെലങ്കാന രാഷ്ട്ര സമിതി (ടി.ആര്‍.എസ്) തന്നെ ആദ്യ ഫലസൂചനകളില്‍ മുമ്പിലുള്ളത്.