കോഴിക്കോട്: ഖുര്‍ആന്‍ മാനവരാശിക്ക് മാര്‍ഗദര്‍ശനമേകിയ ഗ്രന്ഥമാണെന്നും ഖുര്‍ആനിക അധ്യാപനങ്ങള്‍ ജീവിതത്തില്‍ പകര്‍ത്താന്‍ വിശ്വാസികള്‍ തയാറാകണമെന്നും എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍. ഖുര്‍ആന്‍ സ്റ്റഡി സെന്റര്‍ സംഘടിപ്പിച്ച റഹ്മത്തുല്ലാഹ് ഖാസിമിയുടെ 16ാമത് റമദാന്‍ പ്രഭാഷണ പരിപാടിയുടെ രണ്ടാം ദിവസം ഉദ്ഘാടനം ചെയ്ത് സംസാരിക്കുകയായിരുന്നു തങ്ങള്‍. പി.വി. ശാഹുല്‍ ഹമീദ് ഫറോക്ക് അധ്യക്ഷനായി.
'ഇമാം മഹ്ദിയുടെ ആഗമനം കാത്തിരിപ്പിന് വിരാമം?'എന്ന വിഷയത്തില്‍ റഹ്മത്തുല്ലാഹ് ഖാസിമി മൂത്തേടം പ്രഭാഷണം നടത്തി. നാസര്‍ ഫൈസി കൂടത്തായി ആമുഖ പ്രഭാഷണം നടത്തി. ഒ.പി അശ്‌റഫ്,ടി.പി, ഹുസൈന്‍ യമാനി മുക്കം, യൂസുഫ് ബാഖവി കരീറ്റിപ്പറമ്പ് എന്നിവര്‍ സംസാരിച്ചു. ടി.പി സുബൈര്‍ മാസ്റ്റര്‍ കുറ്റിക്കാട്ടൂര്‍ സ്വാഗതവും സൈനുദ്ദീന്‍ വള്ളിക്കുന്ന് നന്ദിയും പറഞ്ഞു. ഇന്ന് നടക്കുന്ന സമാപന സദസ് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. സ്വപ്നത്തില്‍ തിരുനബിയെ കാണാന്‍ എന്ന വിഷയത്തില്‍ റഹ്മത്തുല്ലാഹ് ഖാസിമി മൂത്തേടം പ്രഭാഷണം നടത്തും. ഉമര്‍ മുസ്‌ലിയാര്‍ തനിയംപുറം കൂട്ടുപ്രാര്‍ഥനക്ക് നേതൃത്വം നല്‍കും