ശ്രീകണ്ഠപുരം: വ്യാജവാറ്റ് സംഘത്തിനെതിരേ എക്‌സൈസ് സംഘം പരിശോധന കര്‍ശനമാക്കിയതിന്റെ പേരില്‍ കര്‍ഷകനു ഭീഷണിയെന്നു പരാതി. വ്യാജവാറ്റ് വിവരം എക്‌സൈസിന് ചോര്‍ത്തിയെന്ന് പറഞ്ഞ് മാമ്പള്ളത്തെ കല്ലന്‍മാരിയില്‍ മാത്തുകുട്ടിക്കാണ് ഭീഷണിയുള്ളത്. ഇയാളുടെ 35 റബര്‍ മരങ്ങള്‍ കഴിഞ്ഞ ദിവസം നശിപ്പിക്കുകയും ചെയ്തിട്ടുണ്ട്. മാത്യുവിന്റെ സ്ഥലത്തിനടുത്ത് നിന്ന് 100 ലിറ്റര്‍ വാഷും മറ്റും എക്‌സൈസ് സംഘം പിടികൂടിയിരുന്നു. വിവരം എക്‌സൈസിന് നല്‍കിയത് മാത്തുക്കുട്ടിയാണെന്ന് പറഞ്ഞ് ഒരു സംഘം ഭീഷണിപ്പെടുത്തുകയായിരുന്നു. എസ്.ഐ സുരേന്ദ്രന്‍ കല്യാടന്‍ സ്ഥലത്തെത്തി പരിശോധന നടത്തി.