ന്യൂഡല്‍ഹി: പ്രധാനമന്ത്രി മോദിയെ അപകീര്‍ത്തിപ്പെടുത്തുന്ന അന്വേഷണ ഫലം നല്‍കിയതിനെതിരേ സെര്‍ച്ച് എന്‍ജിനായി ഗൂഗിളിന് പൊലിസ് നോട്ടിസ്. 2015ല്‍ സെര്‍ച്ച് ചെയ്യുമ്പോള്‍ മോദിയെ ക്രിമിനലെന്ന ഫലം നല്‍കിയതിന്റെ പേരിലാണ് വിശ്വഹിന്ദു പരിഷത്ത് അംഗമായ ആര്‍.കെ അശ്വതി നല്‍കിയ പരാതിയില്‍ എഫ്.ഐ.ആര്‍ രജിസ്റ്റര്‍ ചെയ്തത്.
ഐ.ടി ആക്ട് 2000 പ്രകാരമാണ് ഗൂഗിളിനെതിരേ കേസെടുത്തിരിക്കുന്നതെന്ന് പൊലിസ് പറഞ്ഞു. എന്നാല്‍ തങ്ങള്‍ക്ക് ഇത്തരമൊരു നോട്ടിസ് ലഭിച്ചിട്ടില്ലെന്നും അതിനാല്‍ പ്രതികരിക്കാനില്ലെന്നും ഗൂഗിള്‍ അധികൃതര്‍ പറഞ്ഞു.